Numbers 1 - Labrador Inuttitut Heritage Bible

¹ Nâlekablo Mosese oᴋarvigivâ Sinaib sunaᴋajuitungane, ilagêktut tupingane, taᴋᴋiub aipangata uvlungita sivorlerpângane, jârib nunamit Egiptenemit aularvingata aipangane, oᴋarlune:

² Israêlib ᴋitorngangita ilagêngningit ilûnaita kitilersigik, ᴋitorngarêngningit kinguvârêngningillo maliklugit, atingita unurningit maliklugit, angutît ilûnaita aglaktauningit maliklugit.

³ Jâreᴋartut 20nik ununersaniglo, ilûnaita Israêleme unatariartorungnartut, igvit Aronelo kititaksarivatik katimgajôningit maliklugit.

⁴ Ilaᴋartuksauvotiglo angutimik atautsimik kinguvârênit ilûnainit; tâpkoalo atunit angajoᴋaujuksauvut atâtagilauᴋtame iglungane.

⁵ Tamakkoangovullo angutit ilagijaksarijatik atingit; Rubenekunit, Elisur, Sedeurib erninga;

⁶ Sîmeonekunit, Selumiel, Zurisadaib erninga.

⁷ Judakunit, Nason, Aminadab erninga.

⁸ Isassarekunit, Netanel, Zuarib erninga.

⁹ Sebulonekunit, Eliabe, Helonib erninga.

¹⁰ Josefib ᴋitornganginit, Efraimekunit, Elisama, Ammihudib erninga; Manassekunit, Gamaliel, Pedâsurib erninga.

¹¹ Benjamikunit, Abidane, Gideonib erninga.

¹² Danekunit, Ahieser, Ammisadaib erninga.

¹³ Asserekunit, Pagiele, Okranib erninga.

¹⁴ Gadekunit, Eliasafe, Deuelib erninga.

¹⁵ Naftalikunit, Ahira, Enanib erninga.

¹⁶ Tapkoangovut annerijaujut ilagênut, angajoᴋaujut atâtagilauᴋtangita kinguvârêngningine, aulatsijôvut Israêlikut tausendioᴋattartungine.

¹⁷ Mosesiblo Aroniblo angutit makkoa atermikut oᴋautaujut tiguvait:

¹⁸ Ilagêktullo ilûnaita katitipait taᴋᴋiub aipangata uvlungita sivorlerpângane, oᴋautigivaillo ᴋitorngarêngningita sivorlingit maliklugit, atâtagilauᴋtangita kinguvârêngningit maliklugit, atingita tuglerêngningit maliklugit, jâreᴋartut 20nik ununersaniglo, aglaktauningit maliklugit.

¹⁹ Sôrlo Nâlekab Mosese perᴋolaungmago, taimâk kitilauᴋpait Sinaib sunaᴋajuitungane.

²⁰ Tamadja Rubenib, Israêlib erniariᴋârtangata, ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut;

²¹ Kinguvârênut Rubenekunut ilingajut kititaujut, 46,500.

²² Sîmeonib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut,

²³ Kinguvârênut Sîmeonekunut ilingajut kititaujut, 59,300.

²⁴ Gadib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, attingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut,

²⁵ Kinguvârênut Gadekunut ilingajut kititaujut, 45,650.

²⁶ Judab ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut,

²⁷ Kinguvârênut Judakunut ilingajut kititaujut, 74,600.

²⁸ Isassarib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut,

²⁹ Kinguvârênut Isassarekunut ilingajut kititaujut, 54,400.

³⁰ Sebulonib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut;

³¹ Kinguvârênut Sebulonekunut ilingajut kititaujut, 57,400.

³² Josefib ᴋitorngangit, tamadja Efraimib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut;

³³ Kinguvârênut Efraimekunut ilingajut kititaujut, 40,500.

³⁴ Manassib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut;

³⁵ Kinguvârênut Manassekunut ilingajut kititaujut, 32,200.

³⁶ Benjaminib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, attingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut;

³⁷ Kinguvârênut Benjamikunut ilingajut kititaujut, 35,400.

³⁸ Danib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut;

³⁹ Kinguvârênut Danekunut ilingajut kititaujut, 62,700.

⁴⁰ Asserib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut;

⁴¹ Kinguvârênut Asserekunut ilingajut kititaujut, 41,500.

⁴² Naftalib ᴋitorngangit, kinguvârêngita ᴋitorngarêngningit maliklugit, atâtangita iglomioᴋatingit maliklugit, atingita tuglerêngningit maliklugit, sôrlo aglaktaungmatta, angutit ilûnatik jâreᴋartut 20nik ununersaniglo, ilûnatik unatariartorungnartut;

⁴³ Kinguvârênut Naftalikunut ilingajut kititaujut, 53,400.

⁴⁴ Tamakkoangovut kititaujut, Mosesiblo Aroniblo kititangit, angajoᴋaunerojut 12 Israêleme ilagilugit, tâpkoa atunit angajoᴋaunerovut atâtagilauᴋtamik kinguvârêngningine.

⁴⁵ Kititaujullo Israêlib ᴋitorngangine atâtangita kinguvârêngit maliklugit, jâreᴋartut 20nik ununersaniglo, ilûnatik Israêleme unatariartorungnartut;

⁴⁶ Kititaujut tâpkoa katillugit 603,550olauᴋput.

⁴⁷ Levikulle atâtamik kinguvârêngit maliklugit kitiᴋasiutjaungilat tâpkonunga.

⁴⁸ Nâlekable Mosese oᴋarvigingmago, oᴋarlune:

⁴⁹ Kinguvârêt Levikut kissimik kititaksaringilatit, unurningillo Israêlib ᴋitorngangita akorngane kamagijaksaringilatit;

⁵⁰ Levikulle kamajuksangortitaksarivatit kigligiutjineᴋtaliub tupinganik, tâpsomalo perᴋutinginik, ilûnainiglo tâpsomunga ilingajunik; akjarsijuksauvut tupermik perᴋutinginiglo; udjertortuksauvullo tâpsominga, tangmârtuksauvullo tupiub avatânut.

⁵¹ Tuperlo kigligiutjineᴋtalik nûtaugiaᴋarpat, Levikut kissimik nûgaksarivât, tuperlo aᴋiktaugiaᴋalermikpat, Levikut kissimik âᴋigaksarivât; takorngartablo ᴋanilerpago toᴋotaujuksauvoᴋ.

⁵² Israêliblo ᴋitorngangit tangmârtertuksauvut, ingmikôrtartôvlutik tangmarviksaᴋotimingnut atunit katimgajoᴋotime saimateᴋotinganut.

⁵³ Levikulle tangmârtuksauvut tupiub kigligiutjineᴋtaliub avatânut, ningaumanermut tikitauᴋonagit ilagêktut Israêlib ᴋitorngangit; Levikullo udjertortuksauvut tupermik kigligiutjineᴋtalingmik.

⁵⁴ Israêliblo ᴋitorngangit taimailiorput; Nâlekab perᴋojangit Mosesemut tamaita maliklugit, taimâk piniarput.