᥈ ᤛᤠᤵᤔᤢ᤺ᤴᤎᤢᤶ 11 - LIFOTNTᤛᤔᤠᤕᤠᤜᤖᤧ ᤐᤠ᤺ᤳᤋᤢᤒᤠ ᤔᤠᤱᤏᤡᤱᤘᤠ᤹ᤐᤠᤴ ( ᥇ ᤜᤠᤱ ᥇᥈:᥈᥇-᥈᥊ ) 1 ᤀᤠᤸᤗ ᤖᤜᤒᤠᤔ ᤜᤠᤱᤅᤡᤴ ᤕᤖᤢᤛᤗᤧ᤺ᤶᤔᤥ ᤕᤧ᤺ᤸᤗᤧ ᤂᤢᤏᤧ᤹ ᤁᤢᤜᤠᤱᤈᤢᤶᤔᤡᤴ ᤏᤢ᤺ᤰᤔᤠᤖᤧ ᤗᤠᤃᤡ ᤀᤡᤛᤪᤠᤀᤡᤗᤖᤧ ᤁᤢᤍᤰᤗᤧᤱᤘᤠᤀᤥ ᤌᤱ ᤆᤥ᤺ᤰᤔᤠ ᤑᤠ᤹ᤀᤠᤱ ᤕᤜᤢᤍᤠ ᤏᤢ ᤒᤣᤏᤩᤠᤔᤡᤏ ᤜᤡᤶᤛᤕᤱᤗᤠᤶ ᥇.᥎᥆.᥆᥆᥆ ᤌᤰᤗᤡᤜᤠᤱᤜᤠ᤹ ᤑᤢᤰᤂᤢᤛᤡ॥ 2 ᤁᤖ ᤕᤜᤘᤣ ᤍᤠᤱᤒᤧᤸᤗᤧ ᤁᤴ ᤁᤢᤒᤠ᤺ᤴᤈᤠᤰᤁᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠ ᤛᤔᤠᤕᤠᤜᤖᤧᤀᤥ ᤁᤧᤖᤧᤖᤥ— 3 “ᤛᤥᤗᤥᤔᤏᤖᤧ ᤁᤢᤛ᤻ᤛᤠ ᤕᤜᤢᤍᤠᤒᤠ ᤜᤠᤱ ᤖᤜᤒᤠᤔᤧᤴ ᤏᤢ ᤒᤡᤏᤩᤠᤔᤡᤏᤀᤥ ᤁᤧᤘᤠ᤹ᤒᤠ ᤁᤧᤖᤧᤰ ᤀᤡᤛᤪᤠᤀᤡᤗᤡᤜᤠ᤹ ᤔᤧᤳᤋᤧᤛᤧ᤹. 4 ‘ᤕᤜᤘᤣ ᤍᤠᤱᤒᤧᤸᤗᤧ ᤀᤰᤂᤣ ᤐᤠ᤺ᤳᤋᤢ᤹—ᤀᤠᤒᤠᤅᤣ ᤑᤢ᤹ᤏᤢᤛᤠ᤹ᤛᤠᤜᤠ᤹ᤖᤧ ᤂᤢᤴᤇᤡ᤹ ᤋᤰᤗᤧᤱᤘᤠᤀᤥ ᤋᤧᤴᤎᤱ ᤆᤥ᤺ᤰᤔᤠᤖᤧ ᤗᤠᤃᤡ ᤌᤥ ᤔᤧᤎᤥ᤺ᤰᤁᤠᤛᤡᤶᤔᤡᤴᤏᤧᤀᤠᤱ ᤔᤧᤒᤣᤃᤧᤶᤔᤡᤴᤏᤧ᤹॥ ᤂᤡᤏᤡ᤹ ᤁᤧᤖᤧᤰ ᤀᤠᤵᤑᤣᤰ ᤀᤠᤵᤑᤣᤰ ᤜᤡᤶᤔᤥ ᤐᤣᤃᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤁᤴ ᤕᤠ᤺ᤶᤒᤰᤁᤡᤴ ᤀᤠᤱᤃᤠ᤹ ᤆᤥᤃᤢᤱᤒᤠᤖᤥ॥’” ᤁᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤒᤠ᤺ᤴᤏᤡᤴ ᤔᤧᤄᤧᤵᤛᤢ. ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤠᤖᤥᤒᤠᤔᤧᤴᤏᤢ ᤔᤧᤴᤎᤰᤁᤣ ᤔᤧᤏᤢ᤺ᤰᤂᤧ ᤔᤧᤄᤧᤖᤧᤖᤥ॥ ᤖᤜᤒᤠᤔᤖᤧ ᤕᤜᤢᤍᤠᤴ ᤛᤧ᤺ᤵᤋᤢ 5 ᤖᤜᤒᤠᤔᤧᤴ ᤕᤖᤢᤛᤗᤧ᤺ᤶᤔᤥ ᤕᤢᤅᤧᤀᤠᤱ ᤂᤢᤏᤧ᤹ ᤕᤜᤢᤍᤠᤒᤠ ᤁᤢᤓᤠ ᤕᤧᤰᤕᤰᤁᤥᤒᤠ ᤕᤰᤜᤠ᤹ ᤛᤧ᤺ᤵᤛᤡᤱᤔᤠᤍᤧᤴ ᤆᤥᤃᤢ॥ 6 ᤂᤢᤏᤧ᤹ ᤛᤧ᤺ᤵᤛᤡᤱᤔᤠᤍᤧᤴ ᤆᤥᤃᤢᤒᤠ ᤕᤜᤢᤍᤠ ᤏᤢ ᤒᤣᤏᤩᤠᤔᤡᤏᤀᤥ ᤁᤧᤏᤧᤒᤠ ᤕᤧᤰᤕᤰᤜᤠ᤹ ᤜᤠᤒᤠ ᤁᤴᤜᤠ᤹ᤀᤣ ᤏᤧᤛ᤻ᤛᤧᤖᤥ— 7 ᤒᤣᤌᤗᤧᤜᤧᤔ. ᤀᤣᤋᤠᤔ. ᤋᤁᤥ. 8 ᤒᤣᤌ-ᤛᤖ. ᤛᤥᤂᤥ. ᤀᤍᤢᤸᤗᤠᤔ. ᤃᤠᤋ. ᤔᤠᤖᤣᤛᤠ. ᤈᤡᤐ. 9 ᤀᤍᤥᤖᤣᤔ. ᤗᤠᤁᤡᤛ. ᤀᤠᤈᤣᤁᤠ. 10 ᤛᤥᤖᤠ. ᤀᤕᤩᤠᤗᤥᤏ ᤏᤢ ᤜᤣᤒᤪᤥᤏ॥ 11 ᤂᤢᤏᤧ᤹ ᤂᤧᤴ ᤕᤧᤰᤕᤰᤁᤥᤒᤠ ᤕᤰᤜᤠ᤹ ᤌᤎᤵ ᤔᤧᤸᤗ᤹ᤔᤏᤠᤒᤠ ᤆᤥᤃᤢ. ᤜᤧᤰᤁᤩᤠᤱ ᤂᤧᤱᤜᤠ᤹ᤀᤥ ᤌᤰᤔᤥᤒᤠᤜᤠ᤹ ᤕᤢᤰᤂᤢᤛᤡ. ᤂᤶᤓᤩᤠᤱ ᤆᤠᤔᤠ ᤁᤢᤈᤠ. ᤏᤡ᤺ᤱᤃᤣ᤹ ᤏᤢ ᤆᤧᤸᤗᤧᤰᤛᤣ᤹ ᤌᤡ ᤁᤧᤍᤢᤶᤒᤠᤀᤠᤱ ᤂᤧᤵᤔᤥ ᤕᤢᤰᤂᤢ ᤐᤡᤖᤢᤛᤡᤖᤥ॥ 12 ᤂᤢᤏᤧ᤹ ᤕᤧᤰᤕᤰ ᤁᤧᤖᤧᤰ ᤂᤥ ᤏᤢ ᤗᤠ᤺ᤰᤜᤠ᤹ ᤛᤢᤵᤛᤢᤀᤠᤱ ᤏᤧᤛ᤻ᤛᤢ. ᤜᤧᤰᤁᤩᤠᤱ ᤂᤧᤵᤔᤥᤒᤠ ᤕᤰᤜᤠ᤹ ᤌᤎᤵ ᤔᤧᤸᤗ᤹ᤔᤏᤠᤒᤠ ᤆᤥᤃᤢ॥ ᤁᤶᤓᤗ᤹ᤖᤡᤰ ᤂᤢᤏᤧ᤹ ᤕᤜᤢᤍᤠ ᤏᤢ ᤒᤣᤏᤩᤠᤔᤡᤏᤀᤥ ᤂᤢᤏᤧ᤹ ᤕᤢᤰ ᤆᤥᤃᤢᤖᤥ॥ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤗᤧᤒᤡᤜᤠ᤹ ᤕᤜᤢᤍᤠ ᤔᤧᤕᤧ 13 ᤁᤧᤖᤧᤰ ᤀᤡᤛᤪᤠᤀᤡᤗᤒᤠ ᤁᤧᤖᤧᤰ ᤐᤡᤛᤠᤱᤗᤠᤶ ᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤗᤧᤒᤡᤜᤠ᤹ ᤂᤢᤴᤇᤡ᤹ ᤀᤠᤵᤑᤣᤰ ᤀᤠᤵᤑᤣᤰ ᤋᤧᤱᤃᤵᤜᤠ᤹ᤀᤥᤗᤠᤶ ᤖᤜᤒᤠᤔᤖᤧᤀᤥ ᤔᤧᤕᤧ॥ 14 ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤁᤧᤖᤧᤰ ᤌᤰᤛᤠ ᤆᤠᤖᤠᤶᤍᤧᤴᤜᤠ᤹ ᤏᤢ ᤂᤢᤏᤡ᤹ ᤐᤠᤗᤠᤶᤒᤠᤒᤠ ᤗᤠᤈᤣ᤹ ᤛᤡᤱᤒᤢᤱᤜᤠ᤹ ᤔᤧᤗᤧᤖᤢᤀᤠᤱ ᤕᤜᤢᤍᤠ ᤏᤢ ᤕᤖᤢᤛᤗᤧ᤺ᤶᤔᤥ ᤕᤢᤱᤛᤧ ᤔᤧᤕᤧ. ᤌᤣᤀᤠᤱᤓᤧᤸᤗᤧ ᤕᤠᤖᤥᤒᤠᤔ ᤏᤢ ᤂᤢᤏᤧ᤹ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤕᤜᤘᤣ ᤍᤠᤱᤒᤠᤀᤥᤒᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤋᤠᤰᤑᤠᤗᤠᤶ ᤂᤧᤱᤜᤠ᤹ ᤔᤧᤏᤠ᤹ᤖᤢᤛᤡᤀᤠᤱ ᤔᤧᤘᤕᤧ॥ 15 ᤀᤢ᤺ᤰᤆᤶᤈᤶᤒᤠᤍᤧᤴᤜᤠ᤹ᤀᤥ ᤁᤧᤏᤧᤒᤠ ᤛᤧᤘᤠ ᤆᤥ᤺ᤰᤔᤠᤍᤧᤴᤜᤠ᤹ ᤏᤢ ᤂᤢᤏᤧ᤹ ᤆᤥᤃᤢᤒᤠ ᤔᤧ᤺ᤴᤍᤠ ᤜᤧᤰᤁᤩᤠᤱ ᤐᤡᤳᤛᤠᤳ ᤏᤠᤘᤠᤀᤡᤳᤗᤠᤜᤠ᤹ ᤔᤠᤱᤛᤧᤘᤠ ᤔᤧᤵᤔᤠᤛᤡᤖᤧ ᤗᤠᤃᤡ ᤕᤠᤖᤥᤒᤠᤔᤖᤧ ᤂᤢᤏᤧ᤹ ᤀᤠᤵᤑᤣᤰ ᤁᤢᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤕᤢᤰᤋᤡᤱ ᤆᤥᤃᤢᤛᤡ॥ 16 ᤕᤜᤘᤣ ᤍᤠᤱᤒᤠ ᤀᤡᤛᤪᤠᤀᤡᤗᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤡᤱᤘᤠ᤹ ᤀᤡᤃᤣ᤺ᤰᤁᤠᤱ ᤁᤥ᤺ᤵᤔᤠ ᤏᤡᤱᤘᤠ᤹ ᤁᤧᤈᤥ᤺ᤰᤐᤠ ᤀᤡᤛᤪᤠᤀᤡᤗᤒᤠ ᤁᤧᤖᤧᤰ ᤌᤠ᤺ᤰᤜᤠ᤹ᤗᤠᤶ ᤁᤧᤕᤢᤒᤠᤜᤠ᤹ ᤕᤜᤘᤣ ᤍᤠᤱᤒᤠ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠᤎᤧᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤥ ᤛᤡᤍᤢᤱᤈᤓᤠ ᤋᤥ᤺ᤴᤇᤧ ᤕᤖᤢᤛᤗᤧ᤺ᤶᤔᤥ ᤁᤧᤕᤢᤒᤠ ᤗᤧᤒᤡᤜᤠ᤹ᤖᤧ ᤂᤢᤴᤇᤡ᤹ ᤀᤣᤃᤠᤱ ᤔᤧᤎᤠᤛᤡᤱ ᤔᤧᤕᤧ॥ 17 ᤂᤧᤱᤜᤠ᤹ᤖᤧ ᤕᤜᤢᤍᤠᤒᤠ ᤜᤠᤱᤈᤢᤶᤔᤡᤴ ᤕᤥᤎᤥ ᤔᤧᤸᤗ᤹ᤔᤏᤠᤒᤠ ᤔᤧᤈᤥᤃᤢᤀᤠᤱ ᤋᤱᤒᤣ ᤛᤢᤶᤛᤡ ᤌᤠᤖᤡᤰ ᤛᤥᤗᤥᤔᤏᤖᤧ ᤁᤢᤛ᤻ᤛᤠ ᤖᤜᤒᤠᤔᤧᤴ ᤔᤧᤓᤠ᤹ᤖᤢ. ᤜᤧᤰᤁᤩᤠᤱ ᤂᤧᤴ ᤕᤧᤶᤔᤥ ᤂᤧᤱᤜᤠ᤹ ᤍᤠᤀᤢᤍ ᤏᤢ ᤛᤥᤗᤥᤔᤏᤖᤧ ᤂᤢᤴᤇᤡ᤹ ᤕᤧᤵᤗᤧᤰ ᤁᤢᤀᤡᤛᤡᤰ ᤗᤠᤱᤔᤧᤄᤣᤃᤧᤖᤥ॥ ᤖᤜᤒᤠᤔᤖᤧ ᤁᤢᤜᤡᤶᤛᤕᤱ 18 ᤖᤜᤒᤠᤔᤖᤧ ᤔᤜᤗᤋᤧᤴ ᤋᤧᤴᤎᤠᤶ ᤔᤣ᤺ᤰᤂᤡᤶ ᤗᤡ᤺ᤰᤂᤢ॥ ᤂᤧᤴ ᤔᤧᤴᤇᤢᤔᤠ᤺ᤸᤗᤧ ᤁᤢᤶᤒᤠᤃ ᤍᤠᤀᤢᤍᤖᤧ ᤁᤢᤛ᤻ᤛᤠ ᤕᤖᤡᤔᤥᤋᤧᤴ ᤘᤕᤧ ᤜᤧᤰᤁᤩᤠᤱ ᤁᤢᤶᤔᤠᤴ ᤕᤡᤛᤤᤖᤧ ᤁᤢᤛ᤻ᤛᤠ ᤀᤣᤗᤡᤀᤠᤒᤖᤧ ᤁᤢᤛ᤻ᤛᤠ ᤔᤧᤴᤇᤢᤔᤠ ᤀᤒᤡᤜᤣᤗᤧᤴ ᤘᤕᤧ॥ 19 ᤂᤧᤴ ᤁᤢᤔᤣ᤺ᤳᤋᤡᤴ ᤗᤠᤶᤒᤠ ᤖᤜᤒᤠᤔᤖᤧ ᤁᤴ ᤁᤢᤛ᤻ᤛᤠ ᤕᤧᤶᤒᤡᤳᤇᤠᤜᤠ᤹ ᤔᤧᤘᤕᤧ—ᤕᤣᤀᤢᤛ. ᤛᤔᤖᤕᤠᤜ ᤏᤢ ᤛᤠᤜᤔ॥ 20 ᤂᤧᤴ ᤀᤣᤃᤠᤱ ᤂᤢᤏᤧ᤹ ᤀᤒ᤻ᤛᤠᤗᤥᤔᤖᤧ ᤁᤢᤛ᤻ᤛᤠ ᤔᤧᤴᤇᤢᤔᤠ ᤔᤠᤁᤠᤴ ᤋᤧᤴᤎᤠᤶ ᤔᤣ᤺ᤰᤂᤡᤶ ᤗᤡ᤺ᤰᤂᤢ॥ ᤂᤧᤴ ᤔᤧᤴᤇᤢᤔᤠᤴ ᤗᤠᤶᤒᤠ ᤀᤒᤡᤕᤠ. ᤀᤳᤋᤤ. ᤈᤡᤈᤠ ᤏᤢ ᤛᤗᤥᤔᤡᤋ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤔᤧᤘᤕᤧ॥ 21 ᤖᤜᤒᤠᤔᤖᤧ ᤂᤢᤏᤧ᤹ ᤁᤧᤖᤧᤰ ᤁᤢᤔᤣ᤺ᤳᤜᤠ᤹ ᤏᤢ ᤁᤢᤈᤰᤔᤣ᤺ᤳᤜᤠ᤹ᤀᤥ ᤔᤠᤁᤠᤴ ᤛᤠ᤹ᤖᤡᤰ ᤁᤢᤛᤡᤖᤠ᤹ ᤌᤠᤅᤧᤀᤠᤱ ᤘᤕᤧ॥ ᤂᤢᤏᤧ᤹ ᤁᤧᤖᤧᤰᤗᤧ ᤌᤡᤒᤥᤱᤅᤠᤱ ᤕᤧᤳᤇᤡ ᤁᤢᤔᤣᤳ ᤏᤢ ᤋᤢᤰᤐᤥᤱ ᤁᤢᤈᤰᤔᤣ᤺ᤳ ᤔᤧᤘᤕᤧ॥ ᤂᤢᤏᤧ᤹ ᤏᤡᤒᤥᤱᤅᤠᤱ ᤕᤧᤳᤇᤡ ᤕᤧᤶᤒᤡᤳᤇᤠᤛᤠᤜᤠ᤹ ᤏᤢ ᤋᤢᤰᤐᤥᤱ ᤔᤧᤴᤇᤢᤔᤠᤛᤠᤜᤠ᤹ᤖᤧ ᤂᤢᤴᤇᤡ᤹ ᤐᤠᤏᤢᤍᤡᤱ ᤐᤠ ᤘᤕᤧ॥ 22 ᤖᤜᤒᤠᤔᤖᤧ ᤔᤠᤁᤠᤖᤧ ᤁᤢᤛ᤻ᤛᤠ ᤀᤒᤡᤕᤠᤴ ᤜᤠᤱᤛᤠ ᤆᤥᤃᤢ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤀᤣᤃᤠᤱ ᤜᤠᤱᤕᤢᤰᤏᤠᤀᤥ ᤕᤢᤱᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤀᤒᤡᤕᤠᤴ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ᤀᤥ ᤁᤧᤖᤧᤰᤏᤢ᤺ᤸᤗᤧ ᤕᤶᤒᤠ ᤗᤠᤶᤗᤥᤒᤠ ᤆᤥᤃᤢ॥ 23 ᤕᤜᤢᤍᤠ ᤏᤢ ᤒᤣᤏᤩᤠᤔᤡᤏ ᤁᤧᤖᤧᤰ ᤋᤧᤱᤃᤵᤜᤠ᤹ ᤜᤧᤰᤁᤩᤠᤱ ᤁᤧᤖᤧᤰ ᤛᤧ᤺ᤵᤛᤡᤱᤔᤠᤍᤧᤴ ᤕᤧᤰᤕᤰᤜᤠ᤹ ᤀᤥᤔᤧᤵᤔᤠ ᤗᤰᤐᤧᤴᤏᤡᤴ ᤂᤢᤏᤧ᤹ ᤁᤢᤓᤠ ᤁᤢᤛ᤻ᤛᤠᤜᤠ᤹ ᤐᤡᤖᤢᤛᤡᤀᤠᤱ ᤂᤢᤏᤧ᤹ ᤛᤡᤰᤁᤢᤶᤛᤠᤒᤠ ᤐᤥ᤺ᤰᤂᤧᤒᤠ ᤀᤥᤛᤣ᤺ᤴᤎᤠᤱ ᤆᤥᤃᤢ॥ ᤂᤢᤏᤧ᤹ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤃᤡ ᤐᤕᤥ ᤁᤧᤕᤥᤒᤠ ᤆᤠᤔᤠ ᤁᤢᤈᤠᤜᤠ᤹ ᤛᤢᤵᤛᤢ ᤐᤡᤖᤢᤛᤡ. ᤜᤧᤰᤁᤩᤠᤱ ᤂᤧᤱᤜᤠ᤹ ᤕᤖᤡᤰ ᤔᤣ᤺ᤳᤜᤠ᤹ᤀᤠᤱ ᤋᤠᤖᤢ ᤐᤡᤖᤢᤛᤡᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.