Giburu 1 - Luqa Full Bible

I Tamasa sa Paranga

¹ Pa rane qai jola lao pori na Tamasa qi vakanoko tatasaria soku totoso sira na tinoni kokorotai ko qai paranga votu vania sisa tadira na oda tite,

² ba pa rane bebeto aipira na Tuna mekaina sa sa valageria ko na Tuna isa sa ovelai vania sisa. Ko pana Tuna tugu isa sa sa vapodakia na Tamasa sa na doruna vinapodaka, beto ko na Tuna tugu isa sa sa vilea ko mina isongoria sira doru sakasava.

³ Ko na Tuna isa sa na malakapina na Tamasa beto na Tuna tugu sa na kirena sosoto na Tamasa, ko na Tuna tugu sa aru tamana vaikamuniria pa nona paranga neneqidi sira doru sakasava. Pa liguna sa roitinia isa sa na vuvulasana na sela tadira na tinoni poni sa sa toqo bangara pa noka pa kale matuana na Tamasa ululuna jola sisa.

Na Tuna na Tamasa sa poreveveina jolaniria ira na mateana

⁴ Na Tuna na Tamasa sa sa tavaporeveveina jolaniria ira doru mateana, vaitoto vei tugu na isongo sa teku isongia isa ba sa poreveveina jolaniria na isongo tadira na mateana.

⁵ Ko na sosotona sapi ura kepore sa kai totoso bi paranga veinia pira na Tamasa sa kame ira na ona mateana, <> qikeunia mai sa kai ona mateana. Beto ko kepore sa kai totoso bi paranga veinia pira na Tamasa sa kame ira na ona mateana, <> qikeunia mai sa kai ona mateana.

⁶ Goto tonai mi valageria pa peso saunia sa na Tuna podo kimanaqe poni sa sa paranga vei tu pira sa na Tamasa, <> sau tu.

⁷ Na Tamasa sa rove veiniria qaike loka poreveveina sira na mateana, ura na veveidi ira sa pira tu sau sa na Tamasa, <> sau.

⁸ Ba na Tuna sa doro veinia sa poreveveina jola, ura na veveina isa sa pira sau sa na Tamasa pana tana Tuna, <

⁹ Qu qerania ao sa na roiti tuvisina qai roitinia ira na tinoni beto quke tavaraguania ao sa na roiti ikerena qai roitinia ira na tinoni. Tamasa, ko sa vei isa sa ara na mua Tamasa qa vilego sao ko qa vanigo na qeqera beto na vinalavata sa jolania isa qa vaniria ira na tavitimu,>> saunia.

¹⁰ Beto na veveina na Tuna sa pira mule sau sa na Tamasa, <

¹¹ Koleona na totoso kode mai maragutu sira, ba ao sa muna toa kamua na kamua. Beto ira doru sakasava pira sa kode mai muraqutu talumata veidia na poko.

¹² Kode muna polo vivijongo veiniria gu na koti talumatadi beto ko mai tabei pale vei na poko sira na sakasa pira. Ba ao sa munake isongo bei, beto ko na mua toa sa mina kepore na vinabetona,>> sau.

¹³ Kepore sa kai totoso bi paranga vei pira sa na Tamasa pana tana kame ira nona mateana, <> qikeunia mai kai ona mateana.

¹⁴ Ko na sa gu ropi sa na roiti tadira na mateana? Ira na mateana sa na gagala qai roiti nabulunia gu na Tamasa beto ko ira sa garunu lagereniria pa peso isa ko mai tokaniria sira mai teku isongia na inaalo.