Mark 1 - Nakaran ut te Jesu Kristo 1902

¹ Nerwowunan te nakaran ut te Iesu Kristo Neri Wuhgin.

² Rolkoma kamrai le Aiseia profeta, Ahm ru, tiakhalita tahak ieremim raupan lam le nemram, In terepol ut suatu taham;

³ Noia ierem ramasak leluan, Arol ut suatu taha Ieremera, Arol etuatu suatu tahan.

⁴ Jon rava ierem ramol nebaptisoan leluan, mameni apu nebaptisoan te nelelegan to nositean tehwaga tat.

⁵ An netakarier maruan ton ilar petum nerem Judia, mene ilar petum nerem Jerusalem, an neteramol nebaptisoan le ilar le nu Jordan, an netakamani apu tehwaga tat tenilar.

⁶ Jon kameviu le nemami kamel, mametout le nevigen, an neterakamkin piru mene hani lemehnamera.

⁷ An neterametikun mameni moma, Ierem teroatisig in io in iresanen lak, io iesevitan moma tiakamelmel merisin nowanouka le nar le nelikin.

⁸ Io iakamol nebaptisoan le kamiar le nu, mero in terepol nebaptisoan le kamiar le Nanumun Ausim.

⁹ An loanian ka Iesu netersipe le Nasareth i Kalili mua mamos nebaptisoan to Jon le nu Jordan.

¹⁰ An ihwe am neteret le nu neterahm neai khapu mene Nanumun Ausim ratite rolkoma menuk mua ton.

¹¹ An nakaran netersipe le neai, Ik Neruk keikei, nekiuk ragienipus tonik.

¹² An ihwe am Nanumum Ausim netersigipen in leluan.

¹³ An neteramarik leluan nian 40, an Setan neteramofenofen kam in; an neteramarik was ilar nabakaru; an agelo min kamarol atkokun nar ton.

¹⁴ An oatisig le nofenan Jon imwa Iesu neterua Kalili, mameni apu nakaran ut te Wuhgin.

¹⁵ An netereni, moma, Nian reknua, Niko te Wuhgin reknua iwaket, aleleg mamani nuparhienan le narakan ut.

¹⁶ An neteramaliwak le nikali tehe Kalili, neterahm Saimon mene Andru, nohra Saimon, kamuausum le tere, mero in ka wus mil kamiaos nam.

¹⁷ An Iesu netereni to ilau, moma, Uaroupa io, an tiapol napiavis neremim.

¹⁸ An ihwe am netukuopas nekupun tenilau, muaroupen in.

¹⁹ An neteraliwak tahman mun, neterahm Jems neri Sebedi, mene Jon nohran, kamuatik le nekupun letui niko.

²⁰ An ihwe am neteraunin ilau; an netukuopas remin ilau Sebedi, ilar nolatkokun nar nevin letui niko, muaroupen in.

²¹ An netakarua Kaperneam; an ihwe am le nian ausim neteruan le nimwa ahwak mametikun.

²² Netakamaisak le netikunan tahan, mero in ka rametikun ilar kama irem ramos nesanenan, an resolan kama nerem kamatikun.

²³ An ihwe am ieremim ker le nimwa ahwak tenilar nanumun tat ramarik lan,

²⁴ An neteramasak, mameni, Neta to kamar mene tonik, Iesu le Nasareth? Neknua moma tenakataken kamar? Iakhinatin ik moma pehe, Ierem Ausim te Wuhgin.

²⁵ An Iesu neterenhiau in, mameni, Asakaran, mier lan.

²⁶ An nanumun tat neterhapu in, neterasak apahm mamier lan.

²⁷ An ilar muka nanumun ilar neterika, netakaihrapuk to ilar min, mama, Netok? Netikunvian! Le nesanenan rameni nowa to nanumun tat min, an ilar kaiteleg in.

²⁸ An ihwe am nausitoan in neterier iken min petum mene le ten min Kalili mene iken min.

²⁹ An ihwe am netakarier le nimwa ahwak, marua le nimwa taha Saimon mene Andru, ilar Jems mene Jon.

³⁰ An uhu Saimon rakamis le nakapanan, an ihwe am netakamani in ton.

³¹ An neterua mos nelimin muit in, an nakapanan neterpas in, an neterol atkokun nar to ilar.

³² An lehnaiu mit reknivuk netakarpuk etahun nerem kamaremis marua ton, mene nerem nanumun tat ramarik le ilar.

³³ An neremim min etahun le nauanu karhwafugen ilar min le nausilua.

³⁴ An neterol ut neremim rapus kamaremis le nemisan pusenpusen min, an neterhaliatou nanumun tat min nevin, an neterenhiau nanumun tat min moma tesaikaran, mero in ka karhinatin in mama in Kristo.

³⁵ An loaperimianan ruhu aken to hnakakan neterermig, neterier muan le nar leluan mamohwak iken.

³⁶ An Saimon mene nerem kamaivan ilar min netakaiuatisig lan.

³⁷ An netakaihm in netakani ton, mama, Neremim petum kamaitkoigen ik.

³⁸ An netereni to ilar, Pas karuan iken pusen ker to nauanu iwaket min moma tiakatikun iken mun, mero in ka iemier mua to nar uk.

³⁹ An neteruan le nimwa ahwak min tenilar le ten petum Kalili, mametikun, mahmaliatou nanumun tat min.

⁴⁰ An leper ker neterua ton mamakeikei kam in, merenum noulin ton, mameni, Takama nakolkeikei, nakasanen to nolutan io.

⁴¹ An nekin netertat ton, neterhwatuin nelimin miap in, mameni ton, Iakolkeikei, pas tapol ut ik.

⁴² An ihwe am leprosi neteruata lan, an kenol ut in.

⁴³ An neterhwag kumukum kam in, an ihwe am neterhaliatou in.

⁴⁴ An netereni ton, Ahmena moma tenesenian nar ker to ieremim ker, mero uan hmin nubalakam to ierem le nuhwasigenan, mamofen to nolutan ik nar Moses rameni, to nausitoan to ilar.

⁴⁵ An neterier, neterwowan, mamausito in ribor mameni apu nakaran ka iken min, moma riakis to Iesu moma teruan le nauanu le nemri neremim, mero ramarik ilua le nar leluan. An netakamasipe le nowanveri ten min marua ton.