2 Jon 1 - Nakaran ut te Jesu Kristo 1902

¹ Elder to wasekam ierem kenahmpen mene nererin, ierem min io iakolkeikei kamiar le nuparhienan, an resolan moma io pusenam mero ilar mun petum nerem karhinatin nuparhienan.

² Mero in ka le nuparhienan ierem ramarik le katar, an terepamarik to katar le nowa nu min.

³ Nevitan nasakanin mene nemelinuan terapamarik to katar le Wuhgin Remitar, mene le Iesu Kristo Neri Remitar, le nuparhienan mene nolkeikeian.

⁴ Nekiuk ramagienipus mero in ka iemahm nererum nevin kamaivan le nuparhienan, rolkoma kamaros nowa to Remitar.

⁵ An towe tiakahrapuk tonik, wasekam, resolan kama tiakrai tonik nowa vi, mero ierem iemaros le nerwowunan, moma takarolkeikei katar min.

⁶ An inuk nolkeikeian moma takaivan le nowa min tahan; in uk nowa, rolkoma nemairou le nerwowunan, moma tenakaivan lan.

⁷ Mero in ka nerem kamareuhiatin til ribor kenarier pa le ten uk, nerem kasaniapuan Iesu Kristo moma terua le nubulakin; inuk ierem rameuhiatin til mene tikimer te Kristo.

⁸ Amairou ena kamiar, mama tenesariapatouan le nar iemarol, mero teneparos nemrin etahun.

⁹ Ierem rakavan kiten am, mesarikan le netikunan te Kristo, in resosan Wuhgin; ierem ramarik le netikunan, in reknos Remitar mene Nerin.

¹⁰ Takama ieremim ker terua to kamiar an mesosan netikunan uk, tenesariripenean in le nimwa temiar, an tenesaikarvian ton.

¹¹ Mero in ka ierem terakar vi kam in, reknos ton noletetan mun tahan.

¹² Iamos nar ribor tiakrai kam ik, mero iesolkeikeian moma tiakrai le peper mene igk mero iakamatigeta moma tiapuna tonik kapuakar kam nemrimlau mil, moma nagienan, temiar terept iau.

¹³ Nereri piam ierem kenahmpen takaikar vi kam ik.