1 Jon 1 - Nakaran ut te Jesu Kristo 1902

¹ Nar ramemarik le nerwowunan, nar iememairou, nar iememaihm le nemrimar nar iemaretagpen maihm, an nelimimar remek, le nakaran te nemihwan.

² Nemihwan kamhinhin, an iaknaihm mamaiusito in mamani to kamiar nemihwan lilen ierem ramemarik to Remin an kamhinhin to katar.

³ Nar iemamaihm mamairou iakamani to kamiar mun tenakairik pilpil to kamar an nuparhien, narikipilpilan tetar in le Remitar mene le Nerin Iesu Kristo.

⁴ An iakmarai nar min uk, mama nagienan temiar terepet iau.

⁵ An inuk nausitoan iememairou ton, an iakamani to kamiar, mama Wuhgin in hnakakan an napinapan rika aken lan.

⁶ Takama takani mama takamarik pilpil ton mamaivan le napinapan, takareiwa mesarolan nuparhienan.

⁷ Mero takama takamaivan le hnakakan rolkoma in le hnakakan takamairik pilpil to katar min, an nita Iesu Nerin terhapel ita tehwaga tat min le katar.

⁸ Takama takani mama tehwaga tat rika to katar, takareuhiatin atu am katar, an nuparhienan resarikan le katar.

⁹ Takama takani apu tehwaga tat tetar, in teraparhien metuatu moma terosita tehwaga tat tetar hmapel ita tehwaga tat min le katar.

¹⁰ Takama takani mama iemesarolan tehwaga tat, takarol in kama ieiwa, an nakaran tahan resarikan le katar.