Zabuli 1 - Ibayibuli Ingwalaafu

SHIITABO SHIIKIBOOLE ( Zab 1—41 ) Kumwikhoyo kwa ŋali

¹ Ali ni khabi umuundu uyo ukhakholela khu makyesi ke babaandu baboonaki ta, namwe waaloondelela intsibirisa iye baboonaki ta, namwe khukhwikhala atweela ni naabo babaalekelesa Wele ta.

² Ne khuurusakho ndi anyoola kumwikhoyo mu khuuloondelela kamakaambila k'Omukasya, naluundi mu makaambila keeneko nimwo mweesi ambaasila shiilo ni kumuusi.

³ Umuundu uyo afwananisibwa ni kuusaala kukwabyaalibwa khu ndulo khwe luluutsi, kukwaana bibyaamo byakwo mu mbuka inyene iyaakhila, luundi kamasaafu kaakwo sikaniaala ta. Na buli shiindu shoosi sheesi akhola, shimutsiila buulayi.

⁴ Ne babaandu baabi si balikho baryo na khafwiiti ta, akhali bali busa nga likhuutsi lyeesi imbewo itamuusa.

⁵ Nashiryo babaandu baboonaki si balinyala khuukumila shifukhu khweesi Wele alikhalilakho kumusaango ta, namwe si balinyala khukhwitubaasa atweela ni babaandu bakhosefu ba Wele ta.

⁶ Umukasya atseeta intsibirisa ye bakhosefu, ne intsibirisa iye babaandu baboonaki ibayila mu khuhela.