हिबुरु 1 - लोहोरुङ्1 आरॆॽऎ लःबि निवाँहाङ् निवाँहाङ्मि खानावाँ लोखुबाचिबाङ् कानिम् पप्पाटुबाचिनुङ् डिरिक् खेप्पा डिरिक् लाम्फुबाङ् यामुसा 2 टर ग लुक्खॆॽमा ठाबाक्मिम्पा डिनाबि चाइ खो टाङ्पामि पासाबाङ कानिनुङ् यामुडा। हाङ् निवाँहाङ्ऎ खोम् पासाबाङ्न चोब्न सिरिस्टि लॆटु हाङ् लोसु, इॽया खोम् पासाऎ चोब्न खानावाँ सक्पि ढुप्पाट्ट फॆरुकु। 3 हाङ् पासाबिन निवाँहाङ्मि चोब्न ओप्लिङ् रहा निङ्लावा चुः हाङ् खो निवाँहाङ्मि रुपा यो। हाङ् खोसॆ खोम् चॆक्मावा नुङ्मा खानावाँऎ नाम्फलिॽवा हाङ् बाखाटेम्पिहा चोब्न खानावाँ फॆरुकु। आक्क डॆङ्पि खोसॆ कानि हिङ्वाबाङ् फागि हाङ् पारुबि चोब्बाङ् सङ्पिऎ निवाँहाङ्मि चुप्ठिङ् हुक् पोट्टि पेना। निवाँहाङ्मि पासा चोब्बाङ् ढ्या 4 पासा चाइ निवाँहाङ्ऎ निवाँखाटॆखुबाचि बाङ्स ढ्या मुसु, मान्ठाभनॆ निवाँहाङ्ऎ पासा कामानुङ् पिॽमिम्पा निङ् आक्खाचिबाङ् ढ्या रेम। 5 मान्ठाभनॆ निवाँहाङ्ऎ येसु लोसु, “आना चाइ काङाम् पासाना आइ काङा आनामि आपा लिसिङ।” हाङ् होइखेपा सङ्क खोसॆ लोसु, “काङा खोमि आपा लिःॽङा हाङ् खो काङामि पासा लिक्।” टर निवाँहाङ्ऎ हानाम्स निवाँखाटॆखुबाचि मान्लोसुचि। 6 निवाँहाङ्ऎ ग बाखाटेम्पि खोम् टुङ्घङ्पा पासा पाङ्हाङ्सु, खोसॆ गर लोसु, “निवाँहाङ्मि चोब्न निङ्वाखाटॆखाटॆखुबाचिऎ खोम् पासा चुङ्मा लॆ।” 7 टर निवाँहाङ्ऎ निवाँखाटॆखुबाचिमि बारेबि गर लोसु, “खोसॆ खोम् निवाँखाटॆखुबाचि हिॽयापा रक्मान मुसुचि हाङ् खोसॆ खोम् योम्पक् मुखुबाचि मिःमि ज्वाला रक्मान मुसुचि।” 8 टर पासामि बारेबि चाइ निवाँहाङ्ऎ गर लोडु, “आना निवाँहाङ् रेम हाङ् आना हाङ् लिक्नाहाङ् आनामि हाङ्डाम् हानाम्स लुक्खॆॽनि हाङ् आनॆ काम्नुःर न्याय लॆकुना। 9 “हाङ् आनॆ चाइ निवाँनेन खानावाँ नेन्चाकुना हाङ् काइसॆ खानावाँ सिच्चाकुना। मसॆ ओ निवाँहाङ्, काङा आनामि निवाँहाङ्ऎन आनामि लाङ्काम्चिबाङ् एट्टान ङेःप्डाना हाङ् हाङ्हाङ् पिःॽडाना।” 10 हाङ् खोसॆ खोम पासा गर स लोसु, “पारभु, चोब्बाङ् याॽल आनॆॽन बाखाटेम्मि जागा ठुङुना। हाङ् आनाम् हुगॆॽन नाम्फलिॽवा मुसुना। 11-12 “इॽया बाखाटेम् नुङ् नाम्फलिॽवा कॽलाङ्माहा चेःर माङ्ना माङ्ऎ लि हाङ् आक्खा खानावाँ होइकन मुबक्। टर आना चाइ हानाम्स हिङ्चाढाङ्ना हाङ् हानाम्स होइकन लिनानि।” 13 टर निवाँहाङ्ऎ आसास निवाँखाटॆखुबाचि हानाम्स गर मान्लोसुचि “हानामढारि कॆ आना सिच्चोखुबाचि आनाम् लाङ् खुक्माबि सिॽमिॽङाचिनि आना काङामि चुप्ठिङ हुक् पोट्टि पेनॆ।” 14 टर निवाँखाटॆखुबाचि निवाँहाङ्मि योम्पक् मुखुबाचि टेःॽन रेम। खोचि निवाँहाङ्पि हिङ्चाखुबा याॽमिचि पाइबाक्माम् लागि पाङ्हाङ्पा लावा रेम। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.