ཨིབ༌རི༌པ༌ 1 - New Testament in Ladakhi Langageخُدے کھونگی بُوژا گیُودتے جالتا سالس۔ 1 سنگونمے توسلا خُدے نگاتانگونّی اتا اپو گونلا، لان مانگپو تانگ تشول سوسوے نانّگا، کھونگرانگی پیغمبر گون گیُودتے جالتا سالّا زادتے اینوگ۔ 2 اِین نانگ داگسا ای ستینگجوگی جاگّونّی نانّگا کھونگی، کھونگرانگی بُوژا گیُودتے نگاتانگونلا جالتا سالّا زادتے اینوگ۔ خُدے کھونگرانگی بُوژا، چیتشانگمیکا نورسکال تھوبچیسچانبو سکوا زادس، یانگ کھونگ گیُودتے خُدے دزامبولینگبو چوا زادتے اینوگ۔ 3 بُوژے نانگنے خُدے کھونگرانگی شان پو بینگچیس یانگ، خُدے نانّگا یودکھان تسوگسّی سچودلامبو بُوژے کانگ یودتے اینوگ۔ بُوژے کھونگرانگیکا کھیود گیُودتے چیتشانگما ستانپو بورّا زادّانوگ۔ کھونگی میتشانگما، دِیگپاگونّی کانے ژانگما چوا زادتے ستینگنے، کھونگ نامکھے نانّگا شان چانّی خُدے سیواچانّی ناسّا یاسپابویکا جوگسا زادس۔ 4 تیبوے ثاسپو فرشتاگونّی سانگ مانّگا ٹاگپو اینکھانبو ستانّانوگ، کازوگ خُدے کھونّگا سالّا زادکھانّی تشانبو، تیگونّی مینگی سانگ ٹاگپو اینوگ۔ بُوژا نی فرشتاگونّی سانگ ٹاگا این۔ 5 بُوژا ٹاگپو اینکھانبو نگاتانّگا گیوس اینّوگ، چیازیرنا خُدے فرشتا چیگّانگ ایزوگ مولّا مانے مازادس۔ ” کھیرانگ نی نگے بُوژا بُو این۔ دیرینگ نگا کھیرانگی ابا گیورتے این۔“ خُدے ایبوانگ مولّا زادس۔ ”نگا کھوے ابا یانگ کھو نگے بُوژا گیورین۔“ 6 یانگ خُدے کھونگرانگی بُوژا سیواچانبو، دُنیائی نانّگا کالا زاد زانے، کھونگی مولّا زادس۔ ”خُدے فرشتا تشانگمے کھونّگا سجدہ بیوس۔“ 7 فرشتاگونّی سکورلا کھونگی مولس۔ ”کھونگی کھونگرانگی فرشتاگون لونگسپوجیگ تسوگسلا لامچوگین، یانگ کھونگی جابستوگپاگون میلجاب تسوگسلا۔“ 8 اِین نانگ ثاسلا کھونگی مولس۔ ”نیرانگ خُدے این، نیرانگی جوگسٹھیسپو تُوسگیُونّے گیُونلا لوسین۔ نیرانگی ٹانگپو نیامپو وانگثولّا زادِین۔ 9 ٹانگپو لاسگونلا نیرانگی چیسپا یانگ نگانپا لاسگونلا ناپھراد چوا زادّانوگ۔ تیبویپھیا خُدے، نیرانگی خُدے نیرانگیکا گاموے ماربو یانگّونّی سانگ مانّگا لوگّا زادتے نیرانگ سکوا زادس۔“ 10 کھونگی ثاسلا ایبوانگ مولّا زادس، ”مسیح، نیرانگی شرُوعی کا دُنیائی ماگلدانبو تینّگا زادس۔ یانگ نیرانگ رانگی چھاگنے نامکھا چوا زادس۔ 11 تیگون میدکھان چھین، اِین نانگ نیرانگ توسگیون لوسشیس اینوگ۔ تیگون کوسلاگ سنیینگپا تسوگسلا چھاداین۔ 12 نیرانگی تیگون کوسلاگ تسوگسلا لتابّا زادِین۔ یانگ کوسلاگ سنیینگپاجیگ تسوگسلا پھانّگا زادِین۔ اِین نانگ نیرانگ توسگیون ژوگس لوسین۔ نیرانگ تُوسگیُونّے گیُون سونتیا جوگسین۔“ 13 یانگ خُدے فرشتا چیگّانگ مانے مولّا مازادس۔ ”نگے نیرانگی ڈاو گون پاسمو چوستے، نیرانگی جابسّی یوگا کھیونگ کھیونگ تشوگپا، نیرانگ نگے یاسپا چھوگسلا سیواچانّی ناسّابویکا ژوگس۔“ 14 تیبویپھیا فرشتاگون، تھارپا نورسکالّا تھوبچیسچانگونلا جابستوگ ژوچیسلا کالا زادکھانّی سیمسنید گون اینوگ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation