Zaburi 1 - E’yo Siza Alatararu Munguniri BIBLIA

BUKU I ’Ba onyiruri pi ’ba onziri be

¹ ’Ba acipi e’yo ’ba onzi ’diyini amaleri vusi ku, pa sopi ’ba onzi ma geria ku, ripi oguna ’ba afu berinia kuri ovu drilebaru;

² te azita Yehovaniri ayiko fe eri drini, eri asisile dro azita erini ma dria etusi inisi dria.

³ Eri nga ovu ekile pati yini sale yi ria, efi ’yapi ewu inisirile; bini indi onyuni ku. E’yo dria erini ’yeleri nga drilebaru.

⁴ ’Ba onzi ’diyi ovuni ’dini ku, te yi ovu ekile anya drileko olini drole amverile.

⁵ Ka’dini ’ba onzi ma e’yo ngani pa so pari e’yo lizuria ku, azini ’ba e’yo onzi be ’diyi ngani pa so pari ’ba onyi bei ’diyini yi okuzuria ku;

⁶ a’disiku Yehova ni geri ’ba onyi be ’diyini ra, te ’ba onzi ’diyi ma gerini nga avi ra.