Matayo 1 - E’yo Siza Alatararu Munguniri BIBLIA

Yesu Kristo ma a’bipi

¹ Buku Yesu Kristo ma a’bipini eri mvi Daudini, mvi Ibura­himuni.

² Iburahimu ti Isaka, Isaka ti Yakobo, Yakobo ti Yuda pi adripi erini pie,

³ Yuda ti Perezi pi Zara be, Tamari be, Perezi ti Hezironi, Hezironi ti Aramu,

⁴ Aramu ti Aminadabu, Aminadabu ti Nasoni, Nasoni ti Salimoni,

⁵ Salimoni ti Boazi Rahabu dri, Boazi ti Obedi Rutu dri, Obedi ti Yese,

⁶ Yese ti Daudi opiruri’i. Daudi ti Sulemani oku Urianiri be,

⁷ Sulemani ti Rehoboamu, Reho­boamu ti Abiya, Abiya ti Asa,

⁸ Asa ti Yehosafati, Yehosafati ti Yoramu, Yoramu ti Uzia,

⁹ Uzia ti Yotamu, Yotamu ti Ahazi, Ahazi ti Hezekia,

¹⁰ Hezekia ti Manase, Manase ti Amosi, Amosi ti Yosia,

¹¹ Yosia ti Yekonia adripi erini pie, ewu yini yi jizu Babu­loniari ngarerisi.

¹² Yi jizu Babuloniari ma vutia Yekonia ti Sealitieli, Sealitieli ti Zerubabeli,

¹³ Zerubabeli ti Abi­hudi, Abihudi ti Eliakimu, Eliakimu ti Azori,

¹⁴ Azori ti Sadoki, Sadoki ti Akimu, Akimu ti Eliudi,

¹⁵ Eliudi ti Eleazari, Eleazari ti Ma­tani, Matani ti Yakobo,

¹⁶ Yakobo ti Yusufu, Mariamu Yesu omvele Kristo’iri osipiri ma agupi.

¹⁷ ’Dini a’bianzi dria e’dozu Iburahimusi cazu Daudi vu, yi a’bianzi mudri drini su engazu Daudisi cazu kpere ewu yi jizu Babuloniaria, a’bianzi mudri drini su engazu yi jizu Babuloniarisi cazu Kristo vu, a’bianzi mudri drini su.

Yesu Kristoni osizuri

¹⁸ E’yo Yesu Kristoni tizuri ovu ’dini. Mariamu andri erini, Yusufu ka e’do eri je ’bo, de nga ejini eri ku, isu de eri ovu mva be alia Orindi Alatararusi.

¹⁹ Yusufu agupi erini, eri ’ba kililiruni, te leni drinza fe eri dri ’ba ma milia ku, nga ani e’yo osu i asia eri kuzu ndindiru.

²⁰ Erini e’yo ’diyi egaria, mi mire, malaika Opini e’da i eri vu orobisi, kini, Yusufu naudi mvi, mi ru Maria­muni ejizu mi okuru ku, afa eri ma alia ’diri Orindi Alatararuni tile­niri’i;

²¹ eri nga agupimva osi, mi nga runi ’da Yesu, erini ngale ’ba erini opale e’yo onzi yinisirisi.

²² E’yo ’diri ’ye i dria ’dini e’yo Opini ’yole nabi ma tiarisiri ma ’ye i ani beni, kini:

²³ Mi ndre, aliria nga agupi nipi kuri nga ovu mva be alia, nga agupimva osi, yi nga runi ’da Emanueli’i (efini, ka ti ojarisi, Munguni ama be).

²⁴ Yusufuni engaria o’du koriarisi, nga di ’ye malaika Opinini azilerile; eji di oku ini ra,

²⁵ te nini eri ku kpere mvani osiria: ’da runi Yesu’i.