ZABUR 1 - KITAB SUCI ZABUR INJIL

KITAB PENEMBÉQ: ZABUR 1–41 Kebahagiean sejati

¹ Bahagie dengan saq ndéq turut naséhat dengan jahat, ndéq nyonto dengan bedose dait ndéq bebatur kance dengan saq menghine Allah,

² laguq saq demen ngelaksaneang préntah ALLAH dait mikirang préntah ALLAH nike kenjelo kekelem.

³ Dengan nike berhasil dalem selapuq usahene; ie maraq lolo léq sedi kokoq saq bebuaq léq musimne dait ndéq uwah layu daunne.

⁴ Sebalikne dengan jahat; ie maraq gambas saq tetiup siq angin.

⁵ Dengan jahat gen tehukum siq Allah, hakimne dait tekelin léman umat-Ne.

⁶ Séngaq dengan taat tebimbing dait telindungin siq ALLAH, laguq dengan jahat nuju kebinasean.