Luke 1 - Kwak'wala 4 Gospels Acts and Selections 1897

¹ Ka īḵs kīnum ā ī da le uḵīd kās ītaulī sints le kunts lā ūqizayā.

² Kā īḵs lā ī ītaula gāḵunts yiḵā gil bun dā mī ḵīḵāmāpātltaulāḵ glū īaāḵsīlā ḵā wātldum ī;

³ La mīs ek sta‐āq kun ūgwākīḵ gin nāhwā mīḵ kauklilāḵ gilbundā mā, kun kiātīdā ūkl, yūkl ek Theophilus.

⁴ Kās kauklilā ūsāḵ aula āsa sī da nāhwāh de kākūklāmazum ūkl.

⁵ ¶ Lā tī da lāḵ gīkumīḵ dum as Herod tas Judæa, numūqī labled glīkādis Zacharias, gāyūtl lāḵ numīmes Abia; la mīs kunum as gāyūtl lāḵ sāsum as Aaron, glīkādis Elizabeth.

⁶ La mīs nāhwā um ek lāḵā Ike Gīkumī nukutl‐taweḵ nāhwā wātldums, gla wa nāhwā qīqāya‐īlasa, kīs klīqā.

⁷ La mīs kīyos dāḵw ḵwanūq kā Elizabeth āḵs kisa ī māyūklā, lāh dāḵw mis lā qilsqilyāqā.

⁸ Wa la mī sī sīḵs lā ī uḵ ḵuḵ qīgīlasa sa labled lāḵ lā nāhwāh dum as lāḵ nukumālītla sa Ike Gīkumī,

⁹ Lāḵ qīgīlasa sa labled īḵs qūmlā ā ḵī da ekpālīḵs lā ī lāḵ umyāḵulaze sa Ike Gīkumī.

¹⁰ La mī sī da kāpīkau kīnum bībagwānum hawāḵulā lāḵā klāsāzīlītl āḵs lā ī qūmlā ḵā ekpālā.

¹¹ Wa lā nītl īdī da paglum nūqā sa Ike Gīkumī lāk, glāḵwātlā lāḵ hītlkiūda‐nūzaya sa luqīlāh dume sa ekpāla.

¹² Wa gil mī sī Zacharias dūḵwāklilā kīḵs, lā ī nūtl‐īd, kitl‐īdis.

¹³ La mīs glī da paglum nūq nīk yuk, qālā kitlilūkl Zacharias: kāḵs la mā ī wūglitlīs hawāḵulāyūs; la mīs kunum a ūs Elizabeth ḵwungwād klis bagwānum klā, la mī sis glīḵīd klis John lāk.

¹⁴ La mī sis ekīkulā‐kl glū ek‐kusilā‐kl; wa la mīs kīnum klī da ekīkulā kla kā ī, kū māyūglum.

¹⁵ Kāḵs awīlī klī lāḵ dūqitla sa Gīkumāya, kīs klī nākā kluḵ nāhwā tloqīmas nunkīma; lā klī kūtā ḵā Holy Spirit gegiklilākl lāḵ kāpīmas dum klāk.

¹⁶ Wa kīnum tā klī lāḵ gāyūtla lāḵ sāsum as Israel qestā matsū‐kl sī lāḵ Gīyā Gīkumīk dāḵws.

¹⁷ Wa lā klī gālāgīwī‐kl tsī lāḵ qīxdum as glū tlāhwā yūtlas Elias, kās qestīḵ naukāya sa ūmpī lāḵā sāsum ī, gla wa kīsī nīingānum lāḵ naukālāyau sa ekī; kās qātlātlā masī ḵā bībagwānum qāqitlūyū kā ī dā Ike Gīkumī.

¹⁸ La Zacharias nīk ḵā paglum nūq, mā zau tā klin kākālakī klā? kāk gin la mīh nūmasa, la um ḵa ā wī sin kunum ī la qilyāqā.

¹⁹ Lī da paglum nūq nīk yuk, nūgwa um Gabriel ḵā glāḵwumāya ḵā Ike Gīkumī; la mī sin yālākum lūkl, kun nītlīs gada ekīk zigālum a.

²⁰ Wa doḵ, la ums umḵū klūkl, la ums kīs ma wīs glā‐kl yākuntāla, klāḵs kīs mī klī aulāhī dih dum kla sūḵ, kā īs kīzīnāyūs ūqis ḵun wātldum ī yiḵā aulah īda um kla lāḵīs qilastū dih dum kla.

²¹ Lī da bībagwānum, yiḵā īzisāḵ Zacharias kāyāḵā sīḵs kītla ī lāḵā umyāḵulazī.

²² Wa gil mīs gāḵawilsa, la kīs hītl‐āzaul yākuntāla lāh dāḵwuk: lāh dāḵw dūqilā kīḵs dūqitl nūqā ī lāḵā umyāḵulazī: kā īḵs utzānā ī lāh dāḵwuk kīs yākuntāla.

²³ Wa la mī sī sīḵs lā ī qātl ḵīs īāḵsawī lā ī qilastū masa, lā nenāq lāḵīs gūq.

²⁴ Wa la ātlā kāwīs sīks lā ī Elizabeth kunum as bawīq wī da, la sikiā skum gīla tekumātla, kā īḵs nīkia ī,

²⁵ Ga um qīgīlat sa Gīkumāya gāḵun klāḵs lā ā dūqātla gāḵun, kās uḵ‐īdī ḵun kumā ī lāḵ bagwānum.

²⁶ ¶ Yiḵs lā ī kukla skum gīla, lī da paglum nūqī Gabriel yālākum sa Gīkumāyī lāḵā num gūqilas Galilee, glīkādis Nazareth,

²⁷ Lāḵā kīyāla gayūtl tsa bagwānum ī glīkādis Joseph, gāyau lāḵ gūqas David; lī da kīyāla glīkādis Mary.

²⁸ Lī da paglum nūq gāḵ lāk, la nīkia, Kīlakias yūkl ek sū, kupetlī da Ike Gīkumī glūs: ekiakī wīs tas lāḵ zīdāk.

²⁹ Gil mīs dūḵwāklilāk, lā kitl‐īdis wātldum as, lā sināḵ qībatla asas īāḵ‐kiāla īnāya sīk.

³⁰ Lī da paglum nūq nīk yik, qālā kitlilūkl Mary: kāḵs ekia ā kūs lāḵā Ike Gīkumī.

³¹ Wa doḵ, la ums bawīq klūkl, gāḵau mas klis bagwānum kla, lā klis glīḵīd klis Jesus lāk.

³² Wālas klī, lā klī glīkād klis Kwanūqa sa Ikiā‐kāwāyā: lā klī da Gīkumāya Ike Gīkumī zaw klis qaās as ūmp wūtla sī David:

³³ Lā klī hīmunīs‐kl gīkumī‐kl‐ts gūqas Jacob; lā klī kīyos wālā ās klis gīkumīk dum klas.

³⁴ Lī Mary nīk ḵā paglum nūq, wetla zau tā klī, kāḵ gin kīsīk kauklilāḵ bagwānum a?

³⁵ Lī da paglum nūq nānāḵmī kās nīk yik, gāḵ klī da Holy Spiritā lūkl, la mīs tlāhwāya sa Ikiā‐kāwāya hatluḵsum klūkl: la mī sī da māyānīd klā ḵīs māyūglum kla ūs glīkula sū klis Kwanūqa sa Ike Gīkumī.

³⁶ Wa doḵ, ḵīs numwīyūt ūs Elizabeth, la mī bawīq ḵa ā sa bagwānum a yiḵs qilyāqa ā glātl: wa yū mīs lā kukla skum gīlūt sī yiḵā nīk sūh dī kīs mīmāyūklīma.

³⁷ Kā ī da Ike Gīkumāyāḵs kīyosa ī wāh sa wā.

³⁸ Lī Mary nīk, doḵ ga hīlūbātl zāne ga sa Gīkumāya; wīga hyī wātlduma sī gāḵun hī qelī: lī da paglum nūq bos.

³⁹ ¶ Hī mīs lāh dums Mary hwānātl‐īd kās le hānāqīl lāḵā āklī lāḵ gūqiles Juda;

⁴⁰ Lā la‐īkl lāḵ gūqas Zacharias, kās īāḵ‐kiālīḵ Elizabeth.

⁴¹ Wa la mī sīḵs lā ī Elizabeth wūklilāḵ īāḵ‐kiala īnāyas Maryk, lī bohwāyas duhwūstaulī sa: lī Elizabeth kūtā matsū sa Holy Spirit;

⁴² La yāka‐giātl hāsul nīkia ekiakī wīs tā sīs zīdāk, ek wīs tā ḵā ūs bohwāyā kūs.

⁴³ Wa hītlū zau ma un kā gāḵīs abumpas in Gīkumāyī gāḵun?

⁴⁴ Kā, doḵ, gil mīk wūglāḵ‐āklila ḵīs īāḵ‐kiāla īnāyūs gāḵun klāḵs le gin bohwīk duhwūstaulīs kā īs īkīkāyī.

⁴⁵ Wa ek wīs tī da ūqisī: kā īḵs hī mī kla qelā klī da nīlum āk, gehīd lāḵā Ike Gīkumāya.

Magnificat

⁴⁶ La Mary nīkik, Kun baq‐wunāyī wālasa mas ḵā Ike Gīkumī,

⁴⁷ La mī sun ūhw‐klaītl ekīkul lā‐ḵun Ike Gīkumī yiḵ qāqile gāḵun.

⁴⁸ Kā īḵs la ā dūḵ‐wīduk bunāla īnaya sīs hīlūbātl‐zanāyī; kā dok, gāyābālā‐kl lāq, nāhwā‐kl klāyūgwalīsilā kla glīkulā‐kl gāḵun klas ekī.

⁴⁹ Kā ī da Tloqīmasa yiḵs la wālās īs qīhīda asa gāḵun; ek tī Glīkuma sī.

⁵⁰ La wīwāḵbazālaze sī lāḵā kitlātle sī, lāḵ klāyūgwalīsile lāḵ klālūgwalīse.

⁵¹ Lī nītlas tlāhwāyā yisīs ayāsū; lī gwītl‐īd ḵā klīlumkā lāḵ īda nīnkīkī‐yās nīnaukīh dāḵwas.

⁵² Lī uḵāḵūd ḵī da gīgakumāyī lāḵīs qīqātla‐ās, kās īkīstundī ḵā bunātlāh dāḵw.

⁵³ Lī kūtā mas ḵā pūsḵā sa ekī, lī kehīd ḵā kīkayādī lūpum zau.

⁵⁴ La gawālāḵ Israel kīs hīlūbātlzānayī, kās mulqilā mī lāḵuḵ wīwāḵ‐bazālazī;

⁵⁵ Lāḵīs wātldum ūtla ḵunts wī‐ūmp wūtla, lāḵ Abraham, gla wīs uls kā hīmunātla um.

⁵⁶ Lā Mary yūdūhw sum gīlā bāgwunts gla wī, lā āidaākā lāḵīs gūq.

⁵⁷ ¶ La mī sī Elizabeth lā hītlūstū mas ḵīs māyūtl dum klī; lā māyūtl īd tsa bagwānum ī ginānum a.

⁵⁸ Lā numās‐wūt as glū nātlnumwīyūt as kautl‐āklilāḵ wāḵīda īnāya sa Ike Gīkumāyāk; lāh dāḵw ekīkīnauk.

⁵⁹ La mī sī sīḵs lā ī mātlgwanātl pun hwāsa, lāh dāḵw kupeh īd kās glīḵīdī ḵā ginānum: lāk dāḵw Zacharias ḵāk glīkā ḵīs ūmp.

⁶⁰ Lī abump as nānāḵmī nīkia, qālā hyūḵ; glīkād klū ḵwās John.

⁶¹ Lāh dāḵw nīkik, kīyosa ās lāḵūs glīglaglaule kūs glīkād sa glīkum īḵ.

⁶² Lāh dāḵw utzānāḵ ūmp as, māsī qayaus kā glīkums.

⁶³ Lā uḵ‐kiālāḵ kiadazau, la kiatīd ḵā nīkī glīkādū hwās John: lāh dāḵw nāhwā ḵunyas as.

⁶⁴ La simps‐as hīh‐īda um uḵ‐īda, la qītlīdī k̤ilum as, lā yākagiātl, glū zilwākā ḵā Ike Gīkumī.

⁶⁵ Lāh dāḵw kitl‐īdī da nāhwā gūqil nahwātla lāk: kā īḵs lā ī k̤ātl tsa nāhwā gūqila lāḵ ākles Judæa.

⁶⁶ Wa la nāhwāh dāḵwī da wūklilek k̤ātlāḵ lāḵīs nīnaukīh dāḵwī, nīkia, māzī gintlātla īnī klasūḵ? lī āyasau sa Ike Gīkumī kupetla gla wī.

⁶⁷ Lī Zacharias ūmp as kūtā matsū sa Holy Spirit, kīkauklil, nīkia,

Benedictus

⁶⁸ Ek lā hyī da Gīyā yiḵ Ike Gīkumīs Israel; kā īḵs gāḵa ā nuhwāh‐īd, kās ītūklilīsīlāh īdī ḵīs sāsum ī.

⁶⁹ Lāḵa ī uḵūstaulīsāḵ tloqīmas hītlilā‐gīla kā unts, lāḵ gūqā sīs hīlūbātl‐zanāyī David;

⁷⁰ Lāḵīs yākugālum ūtla yis sumsā sa esek prophets, yiḵī da qātlila mūtlāḵs gilgālīsa ūtlāḵ sa awīnāgwīsīḵ:

⁷¹ Hītlilā‐gīlūgwītl lāḵunts hayūt, glū lāḵ ayāsau sa nāhwe klīsīl gāḵunts;

⁷² Kās nītlīs wīwāḵ‐bazālazī zūqagālum ūtl lāḵunts wī‐ūmp wūtlā, glū kās mulqulī ḵīs aulakiāla ek māyāunq wātldum gla wūtlī.

⁷³ Yiḵīs aulakigālum ūtlāḵ Abraham ḵunts ūmp wūtla,

⁷⁴ Kās zawī gāḵunts, ḵgints lek qāqilaāq lāḵ ayāsau sa yaksamī gāḵunts kunts k̤ātlī kī, kīyos kilum a,

⁷⁵ Kunts aekīlī glū kunts nānākaūsīla lāḵ ūqūmāyas, ḵunts wāwāsdum kla bībagwānum‐kl.

⁷⁶ Keglātlts yūkl, Ginānum, glīkād klis prophet sa Hīnūma Ikiāla: kāsīḵs le klā kūs gālakumīkl sa Ike Gīkumī kās qātlātla masa ūsāk tihyile sī;

⁷⁷ Kā zaws kauklilā gītlāḵ hītlilā‐gīla lāḵ līlqilāklayas, lāḵ uḵūda īnī klā‐kl yekīnāyas,

⁷⁸ Kā wīwāḵbazālazes naukāyā sunts Ike Gīkumī, yiḵ nāhīda ās kla sa gāyānāqila kla lāḵā īkī gāḵ‐kl gāḵunts.

⁷⁹ Kā qukātla ḵī da qisātle lāḵā pudikila gla wī da gāgūmas as wānumgīla, kā kāyūdāl gāḵunts lāḵ tihyiles k̤ūqula.

⁸⁰ Lī da ginānum qāḵūstau, la tloqīmasīs naukā ī, hēh se mīs lī da lūblabīs lāga ā lāḵīs nīlunḵ lāḵ Israel.