Psalm 1 - BIBLE MUTAL

BOOK SE MEET ( Psalm 1—41 ) Inkanek Luo

¹ Insewowo mwet se su Tia fufahsryesr in pwapa lun mwet koluk, Ku ukwe inkanek lun mwet sutuu, Ku muta inmasrlon mwet su aksruksrukye God.

² A el engankin ma sap lun LEUM GOD, Ac el nunku kac ke len ac fong.

³ El ac fah oana soko sak yoki sisken infacl, Su isus fahko la in pacl la, Ac sra kac tiana paola, Ac ma nukewa el oru fah kapkapak.

⁴ Mwet koluk elos tia ouinge, A elos oana kulun wheat ma eng uh okla.

⁵ Ke ma inge mwet koluk elos ac fah tia tu in nununku Ku mwet sutuu in walil lun mwet suwoswos.

⁶ Tuh LEUM GOD El etu inkanek lun mwet suwoswos, A inkanek lun mwet koluk fah wanginla.