FILEMONA 1 - Kakwa New Testament 1977

¹ Paulo laga lo drodrora ku kulia ti Yesu Kristo kinelo‚ seku Timoteo laga a luŋase likalo‚ aroma ku Filemona laga lo nyanyara, laga a kakitani kasi yi kugele ilo‚

² ku sase naga Apia naga a karukonina, ku Arikipo laga a kamoroni kasi yi kugelelo itro‚ ku karuko laga lo tomodya ’beri konu kadi yu kilo.

³ ’Busa na’buna ku teili lo trotro lo ŋiyu ku Ŋun Monye likalo yu ku Mata laga Yesu Kristo yu itrolo ti gbo’dini ku ta.

⁴ Na tikindra Ŋun liolo iyete mu luŋa laga ma na ’di’dindri do i magu niona katani kilo‚

⁵ igbonaga na ayinga kulia ti nyadru nonuna ku rugo nonu na Mata Yesuna ku na ŋutu ti Ŋun kilo girina ina.

⁶ Na piza Ŋun adi tomore nika na rugo seku dona ti logi ŋutulu i dendra na kulia na’bu naga a kaya ku Kristo katani kine giri.

⁷ ’Bo luŋase‚ na arumbi nyola koru ku ruda na teili ku kulia ti nyadru nonuna kine‚ igbonaga do aru­’ya teiliko ti ŋutu ti Ŋun kilo giri ina.

⁸ Ku kine kulia de, ’dibani kodro ku na gbo ku teriŋi ku Kristo katani i takindra na do kukuzu mo do ku kondra ŋo laga lo zukinilo kpe,

⁹ na nyadru ma’yu mugu ku do ku kulia ti nyadruna kine. Na Paulo laga a modo, laga tinade lo drodrora ku kulia ti Kristo kinelo,

¹⁰ na ma’yu mugu ku do ku kulia ti ŋiro lio laga Onesimo laga ma na yuŋu i luŋa laga ma na gbo’dini i drodrore katanilo.

¹¹ Kazu lepe aku gbo’da ku rezema konuni, ’bo tinade a ’diri lepe gbo ku rezema konuni, kuweni itro.

¹² Na asonyodru lepe bo konu yu laga be mugu nio lepe ilo.

¹³ Na kodro nyadru goza lepe inide seku na kugele ma lepe ku konakindra na kita konu piri i naga ma na drodrorani ku kulia ti kuu na’buna kinena.

¹⁴ ’Bo na ani nyadru kondra le’de ŋo ’ba dena na yoyolozu nonuna, adi teili lo’bu lolulo ka’bi ku gbo’da be riri’diki, ’bo ku puso nonuna ayu.

¹⁵ Ŋo laga de kazu lepe akora seku do ku baŋe a naŋutru adi ma ta ku mora seku lepe i piri a pii.

¹⁶ Agbo’da be upiye ’doni, ’bo alangu upiye, be luŋase laga lo nyanyara. Na anyari lepe koru, ’bo do inyanyadru lepe arodru na beti ma­rate lo mugu, ’bo ku kulia ti Matalo kine itro.

¹⁷ Kugbo do laga arukundro na be ŋutu lo tomodya mugu seku dolo, rukundri lepe be naga mo do rukundrini nana.

¹⁸ Kugbo lepe laga akondra do a loro, kugbo lepe laga ku mori nonu, wure mori ŋanina kuwe ki.

¹⁹ Na laga Paulo awudyo kine kulia de ku keni lio lepe. Na lepe lo iroba mori ŋanina. ’Dibani kodro ku mori nonu naga kuwenina a do lepe kpe, na ani tazu kulia ŋani kine.

²⁰ KuWade luŋase, na nyadru rumbi na ’bu’busi konuni ku Matalo katani. Rude teili liolo ku Kristo katani po!

²¹ Na lidra mugu adi do irurugo kine kulia de nyena wurokindri na do waragana, ’bo na adeni adi do ikokonu alangu kulia naga ma na tazini kine.

²² ’Bo kukunaki na kadi na komo po, igbonaga na yendru adi na ititiki ta ’do ku kulia ti magu nasuna kine.

²³ Epapura laga lo drodrora seku na kugele ku Kristo Yesu katanilo aroma ku do,

²⁴ ku Marako, Aristariko, Dema ku Luka laga a kakita kasi na kugele kilo.

²⁵ ’Busa na’bu na Mata laga Yesu Kristo ina ti si’dani ku ta.