maika 1 - Kanāci Kihci Masinahikan

¹ ot itwēwin kā tipēyihcikēt kā ki otihtikot maika ana mārastait mēkwāc ē ayācik cāhtām, ēhās, mina hēsikāya, cota kihci okimāwak, kā ki isi wāpahtahk samēriya mina cērosalam ohci.

² pēhtamok, kiyawāw ayisiyinitik, kahkiyaw ē itasiyēk; kiya aski, mina kahkiyaw kēkway ēkota kā ayāk; ēkosi kiyām kā tipēyihcikēt kisēmanito ki ka ācimikowāw, kā tipēyihcikēt kā kanātaniyik o kihciayamihēwikamikohk ohci.

³ cikēmā mātika, kā tipēyihcikēt pē wayawiw ot ihtāwinihk ohci ēkosi kita pē yāsiw, mina kita tātakoskēw ispayanohk askihk.

⁴ ēkosi kita tihkiskam waciya, mina wāyatināwa kita tāstāskipayiwa, tāpiskoc akoskiwasikan cikiskotēhk, tāpiskoc nipiya ē sikiciwahki kiskatināhk.

⁵ o wanitotamowin cēkap kahkiyaw oma kā ohci ayāk, mina o macitotamowiniwāwa ohci o wāskāhikan isrēil. kēkway anima o wanitotamowin cēkap? nama ci ēwako samēriya? mina tānānii ot ispāyanoma cota? nama ci ēwakoni cērosalam?

⁶ ēwako ohci ni ka isitān samēriya tāpiskoc piskwastēw kistikānihk, mina tāpiskoc kistikācikana sominikistikānihk; wāyatināhk māka ni ka isi nihciwēpinēn ē asiniwahk, mina ni ka nokotān kā ēnaskamikicikaniwahk.

⁷ kahkiyaw māka oyikocikani naspisicikana kita sikwataomāwa, mina kahkiyaw ohtisiwina kita mēstikatēyiwa, mina kahkiyaw o manitokāna ni ka nisiwanāciimāwa; cikēmā ohtisiwin pisikwātiskwēw kā ki ohci māwacihāt, ēkosi kāwi ohtisiwin pisikwātiskwēw kita itāpakiāw.

⁸ oma ohci ni ka māton mina ni ka mawimokān, ni ka kētasākēpitison mina ni ka mosēskatān; ni ka mawimon tāpiskoc pikwaci atimwak, mina ni ka kāmwātwēwitē tāpiskoc misiocicākwak.

⁹ cikēmā o miswākanikātikowina namawiya kita ki iyinihkahiht; ayis ahpo cota otihtik; otihtikwak o kihciiskwātēmiwāhk nit ayisiyinimak, cērosalamihk oti.

¹⁰ ēkāwiya ātotamok anita kāht, ēkāwiya wāwāc mātok; ēkota pētliāpara ni ki titipisimon asiskihk.

¹¹ ati sipwēhtē, mosēskatēwinihk mina nanēpēwisiwinihk kiya sāhpar kā ot ihtāwiniyan; kā ot ihtāwinit anita sēanān namawiya pē wayawiw; mātowin anita pētisēl ki ka maskamikon sitoskotātowin.

¹² cikēmā kā ot ihtāwinit anita mārāht ki wāmi asawāpahtamwak miyokēkway; cikēmā māyikēkway ki pē isitisaham kā tipēyihcikēt kihciiskwātēmihk cērosalamihk.

¹³ oyapis titipitāpanāskohk kā mikawikit mistatim, kiya kā ot ihtāwiniyan lēkisihk; ēwakwāna kā ki māci macitotamoāt sāyan otānisa; cikēmā o wanitotamowina isrēil ki miskikātēwa ita kā ayāyan.

¹⁴ ēwako ohci iskwāyāc ki ka miyāw mēkiwin mārisēht-kāht; o wāskāhikana aksip kita kayēsiikwak isrēil kihci okimāwak.

¹⁵ cēskwa ki ka pētamātin, kiya kā ot ihtāwiniyan mārisa, ana kē ayāwisk; o kistēyitākosiwin isrēil kita takosinomakan ahpo anita atalam.

¹⁶ paskoamā, mina manipita kistakaya awāsisak ohci kā miywēyimacik; yahki paskotā kistikwān tāpiskoc mikisiw; cikēmā awakātikowinihk ki ki isi nakatikwak.