cāsyoa 1 - Kanāci Kihci Masinahikan

¹ ispi māka sāsay kā nipit mosis ot atoskēyākana kā tipēyihcikēt ki otihcipayiw, kā tipēyihcikēt ē ki ayamihāt cāsyoawa, okosisa nan, mosis ot atoskēyākaniyiwa, omisi ē itāt,

² mosis nit atoskēyākan, ki nipiw, ēkwa māka pasiko, asowaa oma cārtan, kiya, mina kahkiyaw oko ayisiyiniwak, kita nātamēk anima aski kā miyakik, aniki oti isrēil otawāsimisa.

³ piko anima aski kē samisitēskamēk, ēwako kā miyitakok, mwēhci kā ki itak mosis.

⁴ pikwataskamikahk ohci, mina oma lēpinan, kihci sipihk isa piko isko, anima sipi yoparētis, mina misiwē ot askiwāw aniki hitaitak, mina kicikamihk isko kā isi pahkisimok itēhkē, ki kā isi waska tipēyihtēnāwāw.

⁵ namawiya awiyak ayisiyiniw kita kaskitaw kita otiskawikapawistask iyikohk kē pimātisiyan; mwēhci ka ki isi wicēwak mosis, ēkosi mwēhci kē isi wicēwitan, namawiya ki ka nakatitin, ahpo namawiya ki ka wēpinitin,

⁶ maskawisi mina maskawēyita; cikēmā oko ayisiyiniwak ki ka matinamawāwak kita tipēyihtakik oma aski, anima ka ki wihtamāmak otawiwāwa ē kihci itwēyan kita miyakik.

⁷ piko maskawisi mina naspic maskawēyita, kita kanawēyitaman kita totaman kā itastēk kahkiyaw itasowēwin, anima mosis nit atoskēyākan kā ki sikimisk, ēkāwiya nakata kiciniskihk isi ahpo namatinihk, kita ohci miyopayiyan piko itē ē papāayitotēyan.

⁸ oma itasowēwi masinahikan namawiya kita sipwētēmakan kitonihk ohci; māka ki ka māmitonēyitēn ē kisikāk mina ē tipiskāk, kita ohci itēyitaman kita itotaman kahkiyaw ēkota kā masinaikātēki; cikēmā ēkota kē ohci yakiomakahk ki pimohtēwin, mina ēwako kē ohci miyo kaskitamasoyan.

⁹ nama ci ki ki sikimitin? maskawisi mina maskawēyita; ēkāwiya kostāci, ahpo ēkā sēkisi; cikēmā kā tipēyihcikēt ki kisēmanitom ki wicēwik itē ēayitotēyan.

¹⁰ ēkospi māka cāsyoa ki sikimēw otokimāmiyiwa ayisiyiniwa, omisi ē itāt,

¹¹ sāposkakok onatopayiwak, mina sikimikok ayisiyiniwa; ē itwēyēk nimawinikasok isa cikēmā ki poni nisto kisikāki ki ka āhwaēnāwāw oma cārtan, kita nitawi tipēyihtamēk aski, kā miyikoyēk kā tipēyihcikēt ki kisēmanitomiwāw kita tipēyihtamēk.

¹² mina aniki ropinaitak, mina kātaitak mina apitaw otatotēwisiwin manāsi, ki ayamihēw cāsyoa, omisi ē itāt,

¹³ kiskisik anima itwēwin kā ki sikimikoyēk mosis ot atoskēyākana kā tipēyihcikēt, ē itikoyēk, kā tipēyihcikēt ki kisēmanitomiwāw ki ki miyikowāw aywēpiwin, mina ki ki miyikowāw oma aski.

¹⁴ ki wicēwakaniwāwak kitawāsimisiwāwak, mina kit awakāniwāwak kita ayawak ota askihk, anima mosis kā ki miyikoyēk ota itēkēkām cārtanihk; ki ka nikānotawāwāwak māka kiciwāmiwāwāk ē nimaskwēyēk, kahkiyaw ka nitaw natopayiyēk, ēkosi kita wiciāyēkok;

¹⁵ pātimā iyikohk kā tipēyihcikēt ki miyāci kiciwāmiwāwa, aywēpiwin mwēhci kā ki isi miyikoyēk, mina ki tipēyihtahkwāwi anima aski kā miyat kā tipēyihcikēt ki kisēmanitomiwāw; ēkospi ki ka pē natēnāwāw anima aski kā tipēyihtamēk, mina kitā ayāyēk, anima mosis ot atoskēyākana kā tipēyihcikēt kā ki miyikoyēk otē itēkēkam cārtanihk ka ohci sakastēk itēhkē.

¹⁶ ki naskwēwasimēwak māka cāsyoawa, omisi ē itācik, kahkiyaw anima kā sikimiyahk ni ka itotēnān mina itē ē isitisahoyahk, ni ka itotānān,

¹⁷ mwēhci kā ki isi natotawayahk mosis misiwē isi, ēkosi kē isi natohtatahk; piko kiyām kā tipēyihcikēt ki kisēmanitom ki ka wicēwik, mwēhci ka ki isi wicēwat mosisa.

¹⁸ awēnana piko kē mayēyitamokwē ki kakēskimiwēwin, mina ēkā kē natotamokwē kit itwēwin kahkiyaw anima kā isi sikimat, kita nipahāw; piko kiyām maskawisi mina maskawēyita.