Masmur 1 - Kitab Jawa Suriname

Bab I: Masmur 1—41 Masmur 1 Uripé wong bener lan wong duraka 1:1-6

¹ Rahayu wong sing mlakuné ora manut angen-angené wong duraka, lan ora ngambah dalané wong dosa lan ora tyampur lungguh ing jagongané wong memoyok,

² nanging sing kesenengané marang angger-anggeré GUSTI, lan digilut-gilut awan wengi.

³ Wong kuwi kaya wit sing ditandur ing sak pinggiré kali, sing ngetokké woh ing wantyiné, lan ora alum godongé, apa waé sing ditandangi mesti olèh gawé.

⁴ Ora mengkono kanggo wong duraka, nanging kaya kulit gabah sing kabur kanginan.

⁵ Mulané wong duraka ora betah ing ngarepé pengadilan, mengkono wong dosa ing kumpulané wong bener;

⁶ awit GUSTI ngerti mlakuné wong bener, nanging mlakuné wong duraka kuwi nuju menyang karusakan.