1 Timoti 1 - UTESITAMENTI UMPYA

¹ Nene Pauli ndili mwapositili va Jesu Kilisiti ndi andagye nu-Nguluve umpoki vitu nu-Kilisiti Jesu uluhuvilo lwitu.

² Ndi kukuvigila vi Timoti vi uli nswambango jilweli ndwidiko. Ndikukupembetsa ndita: Unguluve udadaje nu-Kilisiti Jesu unkuludeva vitu akusajage nuluhungu nilikungwava nulunotsehetso.

³ Nduvwu ndakuvulile palya upwu ndalutaga mu-Maketonija vwu ndikukuvula lilyo nalino ndita uvetsage mu-Epesi ulwakuva ndita uvalagilage avimańisa itsinge kwu bako ukumaṅisa itsinge.

⁴ Uvavule valalolaga nututsago namatavwa ga nsivumbuko umwu gakonganye gatungile ugwu nagapili napange uvutale. Ulwakuva itsene tsilutilye pakupelela iṅani tsa kukaniṅana, tsilekile ukulotsa muńiho tsa Nguluve itsu tukutsivona munongwa tsa lwidiko.

⁵ Itsene indagilo itsu vukuvalagila tsoni tsilotse kulugano ulwihuma munumbula imbalatse namuńivanelo itsivwene vwu vunnonu nandwidiko ulutsilakulyasinu.

⁶ Mańa avange vajagile panzila iji valotsitse kunongwa tsa tutsago twa kupanga vuvule.

⁷ Avene vita twipelage ukuva vamańisandagilo vwu navatsivweni itsu vitsova nitsu visimilitsa ukuta tsa jilweli.

⁸ Kwu nuvwe tutsimańile isimilitso ukuta tsu nnonu ungave vi munu vukutsikongela umwu tsivelye tsitso,

⁹ ungave utsimańile isimilitso ukuta natsili tsa ngolosu, ungave utsimańile ukuta tsa vatsilasimilitso nuvwu navileva, tsa vatsilakundwada Unguluve navatulanongwa, tsa vutsilavuvalatse navatsilavuswihu, tsa vabudavajyavo navabudavana, tsa vabudavanu,

¹⁰ tsa valigu, tsa aviligupa navagosi avajyavo, tsa vagulavanu, tsa vanwasi, tsa vijiganika itsa vunwasi, navipela tsoni itsinge itsu kwutsile itsihomine ninongwa ińumi.

¹¹ Nditsova inongwa tsa mwivangili ililuti uvunnonu lya Nguluve unandugataluko ilyu amelye mmavoko une.

¹² Ndisana kwa Kilisiti Jesu unkuludeva vitu uvi amye amaka ulwakuva ambwene uvuhuvili upwu ambikage mumbombo.

¹³ Ndi katale ndandukaga amadusi ndanswimaga ndamelulaga. Mańa ndikivwene ikisa lino ulwakuva tsu ndavombaga vwu nandivweni vunnonu tsitsitsi vwu ndikanale ukwidika.

¹⁴ Ulwakuva lwakelilwe vuvule uvwongosu uluhungu lwa nkuludeva vitu pwu lukahanga nulwidiko lwa kumwidikila UKilisiti Jesu nulugano lwa kungana.

¹⁵ Ilimeńu ili lyu lihuvili linogye nukulyupilila ilita: UKilisiti Jesu upwu itsile nkilunga umu pwu itsile nkuvapoka avatulanongwa, uvwu ndipelile ukuva vi ndongotsi va vene voni une.

¹⁶ Mańa upwu andililaga ikisa une UJesu Kilisiti, pwu andililaga ikisa ukuta vammańilage mwane ndi ntulanongwa ndi ndongotsi ulwiho lwa kuta “lya image sikutsoni” umwene, ulwakuva atetsaga ndimpelage va kulolelamwo voni avalamwidikaga ulwidiko ulukavavwumi uvutsilakusila lusiku.

¹⁷ Umwene unkuludeva va myaka gyoni untsilakuswa untsilakumbona ujyunge umunu, nditsova ju Nguluve uvi ali mpamato mwene, vi ndikutsova nulwimiko nuvuvaha nakuvutsilakusila lusiku. Ameni.

¹⁸ Tsu tsitsitsi indagilo itsu ndikukulagila vi Timoti vi mwana vango vwu itsu vakulagye ṅani ndita: Mwu ulwitsage niligoha ilinnonu.

¹⁹ Uve nulwidiko nulwivonelo ulwa kwivonela tsinnonu, ulwu avange valutagile vakupwike ukuta vwato itsa lwidiko.

²⁰ Avene vi va-Himenaji nu-Alekandeli, uvwu ndimpye USetano ulwakuva ndita vavungwagwe ukuta valahelulaga.