KI 1 - Buka Apuna (I Lotu Katolika)

Na buka gi tage (Ki 1—41) Na morana na vagevageha

¹ Ga babarisi na enoni, ga ngaritenigi ngavê na tamasinga iata na enoni era. Ga babarisi na enoni, ga pe râ surigi na parongata na enoni tasi. Ga babarisi na enoni, ga pe hakunira na enoni, ga pe hagahigasia God na Araha.

² Ma ngaira ka vagevagesigi hete na ramata iana na Araha. Ma ngaira ka takotako renigi tare ma tarema.

³ Ngaira ka mangagi na apinige koro, ga akê i na akerena na ve. Ngaira ka hunguhungu igê na matena tange ma ka pe turituri rârâ. Ngaira ka korokoro tare igê na ara ni marâ, ga katogi.

⁴ Ma na enoni, ga era, ka mareha ngavê, vige manga ngekana. Ngaira ka mangagi na momo, i tokorenigi vê na roga.

⁵ God ki page hagaitangira na enoni, ga tasi. Ngaia ki page panera hura tenira na kariana.

⁶ Na Araha ki marupera na kariana, ma ki hagaerasira ngavê na enoni era.