Seinim Lei Tɔnɔ 1 - Wɛ Tɔnɔ

Lei Tɔnɔ 1 Lei 1–41 Chwei selei taane

¹ Nɔɔno wolo veiŋa na ba tɔge puseŋ-nyena bam bera to mo, Wɛ zaane wo wonto yuu ne lanyerane. Kotu nam ba lage se o da wɛleere-keira chwoŋa kam. O maa ba lage se o taa jei nɔn-lwɛɛna jeiŋa jei sem ne.

² Kotu za pae se Baŋa Wɛ nia yam mo jege ywoni ya pa‑o. Wea de tete maama o yeini o boŋe ya wone zii mo lanyerane.

³ Nɔɔno wom konto nye de tio kolo na zege ko bwola de nabara ye ko vɔɔro ba siira kɔtaa to mo. Ko nam leiri bia mo ka maŋa ne chekke. O na ke kolo maama to vei yiga lanyerane.

⁴ Puseŋ-nyena bam nam dae konto! Banto nye de swanno mo vio na kale ko maa jia to.

⁵ Wɛ nam ná lage o di nabiina bora, puseŋ-nyena bam wó to mo. Wɛleere-keira de nam bá wane ba woli balo na jege chega Wɛ tei ne to kɔgɔ kom wone.

⁶ Kokuri to, Baŋa Wɛ fɔge o nii balo na kɔre-o to, de ba veiŋa maama mo. Ko nam ná ye puseŋ-nyena bam, banto yɔɔre ba jei mo ba chwoŋa kam ne.