Псалтыр 92 - Коми Библия 2023

92 Псалом

[Давидлӧн ошкана сьыланкыв Ен войтырлӧн ас муӧ бергӧдчӧм йылысь. Сьылӧны шойччан лун водзвылын.]

¹ Господь ӧксыалӧ, Сійӧ вевттьысьӧма дзирдлунӧн, пасьтасьӧма вынӧн да вӧнясьӧма. Муюгыдыс зумыда сулалӧ, сійӧ оз вӧрзьыв.

² Тэнад юралан пуклӧсыд важысянь сулалӧ, му пуксьытӧдзыс на Тэ пыр вӧлін.

³ Господьӧй, юяс гызьӧны, юяс ыджыд шыӧн гызьӧны, кыпӧдӧны ассьыныс гыяссӧ.

⁴ Но уна валӧн бузгӧм дорысь, саридзлӧн гызьӧм дорысь ёна вынаджык выліинын олысь Господь.

⁵ Господьӧй, Тэнад кывъясыд веськыдӧсь, Тэнад керкаын нэмъяс чӧж лоӧ вежалун.