Псалтыр 86 - Коми Библия 2023

86 Псалом

¹ Корей пиянлӧн псалом. Сьыланкыв.

² Господьлӧн карыс сулалӧ вежа керӧсъяс вылын. Господь радейтӧ Сионӧс да сылысь пыранінъяссӧ Яков рӧдлӧн став мукӧд кар дорысь ёнджыка на.

³ Тэ йылысь, Енлӧн кар, висьталӧны сӧмын бурсӧ.

⁴ Египетын да Вавилонын олысьяс йылысь, Тир карын, Филистим да Эфиопия муясын олысьяс йылысь Ме шуа, мый найӧ тӧдӧны Менӧ, шуа, мый найӧ чужлісны Сион карын.

⁵ Сион кар йылысь шуӧны, сэтшӧмтӧ морт пӧ чужліс сэні, и Ачыс Медвылыссаыс пӧ сувтӧдіс тайӧ карсӧ.

⁶ Войтыръясӧс арталігӧн-гижалігӧн Господь пасйӧ, мый тайӧ мортыс чужліс Сион карын.

⁷ Сьылысьяс да ворсысьяс шуалӧны, ми пӧ ставным чужлім Сион карын.