Псалтыр 81 - Коми Библия 2023

81 Псалом

1 Асафлӧн псалом.

¹ Асафлӧн псалом. Енмыс сувтіс енэжвывса олысьяс водзӧ, висьталіс налы мыждӧмсӧ:

² «Ті онӧ веськыда мыждӧй, ті доръянныд лёк вӧчысьясӧс!

³ Дорйӧй гӧльясӧс да батьтӧм-мамтӧмъясӧс, веськыда мыждӧй увтыртӧмаясӧс да коньӧръясӧс.

⁴ Гӧльясӧс да коньӧръясӧс мездӧй, нетшыштӧй найӧс лёк вӧчысьяслӧн киысь.

⁵ Ті нинӧм онӧ тӧдӧй, нинӧм онӧ гӧгӧрвоӧй, ветланныд пемыдас, та вӧсна муыслӧн подулыс вӧрӧ.

⁶ Ме шуи, мый ті – енъяс, Медвылыссалӧн пиян,

⁷ но мувывса йӧз моз ті куланныд, ӧксыяс моз усянныд».

⁸ Енмӧй, кыпӧдчы да мыжды му вылын олысьясӧс, ӧд войтыръясыс – Тэнад.