Псалтыр 75 - Коми Библия 2023

75 Псалом

¹ Сьылысьясӧн веськӧдлысьлы. Ворсӧны струнаа ворсанторйӧн. Асафлӧн псалом. Сьыланкыв.

² Енмӧс тӧдӧны Иудаын, Сылысь нимсӧ ыдждӧдлӧны Израильын.

³ Сылӧн оланіныс Салимын, Сійӧ олӧ Сионын.

⁴ Сэні Сійӧ чегъяліс ньӧвъяс, жугліс сайӧд, шыпурт да мукӧд тышкасянтор.

⁵ Енмӧй, Тэ дзирдалан югыда, нэмӧвӧйся керӧсъясысь Тэ ёна ыджыд.

⁶ Тышкайӧзӧс кыйисны, унмыс личкис найӧс, налӧн киясыс вынтӧммисны.

⁷ Яковлӧн Енмӧй, Тэнад горӧдӧмысь тарантасъяс да вӧвъяс сувтісны.

⁸ Енмӧй, Тэ повзьӧдана! Тэнад скӧралігӧн коді вермас сулавны Тэ водзын?

⁹ Енэжсянь Тэ юӧртан мыждӧмтӧ. Муыс повзьӧ да чӧв ланьтӧ,

¹⁰ кор Енмыс сувтӧ мыждыны, медым мездыны мувывса став увтыртӧмасӧ.

¹¹ Весиг мортлӧн скӧралӧмыс бергӧдчас Тэнӧ ошкӧм вылӧ, а коляс скӧрлунсӧ Тэ лӧньӧдан.

¹² Кыв сетӧй Господьлы, асланыд Енлы, да сетӧм кывныд серти вӧчӧй! Матігӧгӧр олысьяс мед ваясны козинъяснысӧ повзьӧдана Енлы.

¹³ Сійӧ раммӧдӧ юралысьясӧс, Сыысь полӧны мувывса ӧксыяс.