Псалтыр 66 - Коми Библия 2023

66 Псалом

¹ Сьылысьясӧн веськӧдлысьлы. Ворсӧны струнаа ворсанторйӧн. Псалом. Сьыланкыв.

² Енмыс мед бурсьӧлӧмтчас миян дінӧ да бурсиас миянӧс, видзӧдлас миян вылӧ югыд чужӧмбаннас.

³ Сэки му вылын олысьяс тӧдмаласны Тэнсьыд туйтӧ, войтыръяс пӧвстын тӧдмаласны Тэнсьыд мездӧмтӧ.

⁴ Енмӧй, войтыръяс мед ошкасны Тэнӧ, став войтыръяс мед нимӧдасны Тэнӧ.

⁵ Войтыръяс мед гажӧдчасны-нимкодясясны, ӧд Тэ веськыда мыждан найӧс, Тэ веськӧдлан мувывса чужанкотыръясӧн.

⁶ Енмӧй, войтыръяс мед ошкасны Тэнӧ, став войтыръяс мед нимӧдасны Тэнӧ.

⁷ Муыс сетіс миянлы озыр быдтас. Енмӧй, миян Енным, бурси миянӧс!

⁸ Енмӧй, бурси миянӧс! Мед поласны Тэысь мувывса став олысьыс! Ошкӧм.