Псалтыр 46 - Коми Библия 2023

46 Псалом

¹ Сьылысьясӧн веськӧдлысьлы. Корей пиянлӧн псалом.

² Войтыръяс, клопайтӧй кинаныд, гораа нимкодясьӧмӧн ошкӧй Енсӧ!

³ Господь – Медвылыссаыс, полӧй Сыысь! Став му пасьтала Сійӧ ыджыд Ӧксыыс.

⁴ Сійӧ сетіс миян кипод улӧ войтыръясӧс, пуктіс найӧс миян кок улӧ.

⁵ Сійӧ бӧрйис да вичмӧдіс миянлы му, тайӧ мунас ошйысис Сылӧн муса Яков.

⁶ Гажӧдчан шы улӧ Господь Ен пуксис юралан пуклӧсӧ, буксан шы улӧ Сійӧ пуксис юравны.

⁷ Сьылӧй Енлы, сьылӧй! Сьылӧй миян Ӧксылы, сьылӧй!

⁸ Ӧд Енмыс став му пасьтала Ӧксы. Сьылӧмӧн ошкӧй Сійӧс!

⁹ Енмыс ӧксыалӧ войтыръяс вылын, Сійӧ пукалӧ Аслас вежа пуклӧсын.

¹⁰ Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.