Псалтыр 42 - Коми Библия 2023

42 Псалом

¹ Енмӧй, мыжды менӧ веськыда! Дорйы менӧ Тэнсьыд кывзысьтӧм войтырысь, мезды менӧ лёк да ылӧдчысь йӧзысь,

² Тэ ӧд менӧ дорйысь Ен. Мыйла Тэ эновтін менӧ, мыйла меным лоӧ шогсьыны мустӧмтысьяслӧн дзескӧдӧмысь?

³ Мӧдӧд Ассьыд югыдтӧ да збыльтӧ! Найӧ мед нуӧдасны менӧ, мед вайӧдасны Тэнад вежа керӧс вылӧ, Тэнад оланінӧ.

⁴ Ме матыстча Тэнад висьпуктанін дорӧ, матыстча Тэ дінӧ, Енмӧй. Тэ сетан меным нимкодьлун да гажлун, гуслиӧн ворсӧмӧн ме кута ошкыны Тэнӧ, менам Енмӧй.

⁵ Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс. Ошкӧм.