Псалтыр 3 - Коми Библия 2023

3 Псалом

¹ Давидлӧн псалом, кор сійӧ пышйис аслас Авессалом пиысь.

² Господьӧй, кутшӧма содіс дзескӧдысьяслӧн лыдыс! Унаӧн кыпӧдчӧны меным паныд,

³ унаӧн сёрнитӧны ме йылысь, Енмыс пӧ оз мезды сійӧс.

⁴ Но Тэ, Господьӧй, менам сайӧдыс, ме ошка Тэнӧ. Тэ кыпӧдан менсьым юрӧс.

⁵ Ме шыася Господь дінӧ, и Сійӧ вочавидзас меным Аслас вежа керӧссянь.

⁶ Ме вода, узя да чечча, ӧд Господь видзӧ менӧ.

⁷ Лыдтӧм-тшӧттӧм йӧз чукӧр усьласьӧ ме вылӧ, но ме ог повзьы наысь.

⁸ Кыпӧдчы, Господьӧй! Мезды менӧ, Енмӧй! Тэ жуглан мустӧмтысьяслысь тшӧка лысӧ, кисьтан лёк вӧчысьяслысь пиньнысӧ.

⁹ Мездмӧмыс – Господьсянь. Господьӧй, Тэ бурсиан Ассьыд войтыртӧ. Ошкӧм.