Псалтыр 23 - Коми Библия 2023

23 Псалом

1 Давидлӧн псалом. [Сьылӧны вежонса медводдза лунӧ.]

¹ Давидлӧн псалом. [Сьылӧны вежонса медводдза лунӧ.] Муыс да ставыс, мый сэні эм, муюгыдыс да сэні олысьяс – Господьлӧн.

² Господь пуктіс мулысь подувсӧ саридзьяс вылӧ, сувтӧдіс сійӧс юяс вылӧ.

³ Коді вермас кайны Господьлӧн керӧс вылӧ? Коді вермас сулавны Сылӧн вежаинын?

⁴ Сӧмын сійӧ, кодлӧн киыс мыжтӧм да сьӧлӧмыс сӧстӧм, коді кывсӧ оз сет весьшӧрӧ, оз ылӧдлы [ассьыс матыссасӧ] Господь нимӧн.

⁵ Сылы вичмас Господьсянь бурсиӧм, мездысь Ен шуас сійӧс веськыдӧн.

⁶ Татшӧм сійӧ войтырыс, коді корсьӧ Господьӧс, корсьӧ Яковлӧн Енлысь чужӧмбансӧ.

⁷ Джудждаммӧй, дзиръяяс, паськыда воссьӧй, нэмӧвӧйся ӧдзӧсъяс! И пырас дзирдлуна Ӧксы.

⁸ Коді тайӧ дзирдлуна Ӧксыыс? Сійӧ – ён да вынйӧра Господь, тышын вына вермысь.

⁹ Джудждаммӧй, дзиръяяс, паськыда воссьӧй, нэмӧвӧйся ӧдзӧсъяс! И пырас дзирдлуна Ӧксы.

¹⁰ Коді тайӧ дзирдлуна Ӧксыыс? Сійӧ – Господь Саваоф, Сійӧ – дзирдлуна Ӧксы. Ошкӧм.