Псалтыр 22 - Коми Библия 2023

22 Псалом

1 Давидлӧн псалом.

¹ Давидлӧн псалом. Господь – менӧ Видзысьыс, менам ставыс лоӧ тырмана.

² Сійӧ шойччӧдӧ менӧ веж видз вылын, вайӧдӧ менӧ лӧнь ва дорӧ,

³ ёнмӧдӧ менсьым лолӧс, нуӧдӧ менӧ веськыд туйӧд Аслас нимыс вӧсна.

⁴ Ме кӧ муна весиг сап пемыд сёртасӧд, ог повзьы лёксьыс, ӧд Тэ мекӧд. Тэнад веськӧдлан да доръян беддьыд нуӧдӧны менӧ.

⁵ Менӧ дзескӧдысьяслӧн син водзын Тэ дасьтан меным чӧскыд пызан, мавтан менсьым юрӧс выйӧн, тыртан менсьым чашаӧс тырӧдзыс.

⁶ Тэнад бурлуныд да буралӧмыд лоасны мекӧд быд лун олӧм помӧдз, и ме кута овны Господьлӧн керкаын став олӧм чӧж.