Псалтыр 151 - Коми Библия 2023

151 Псалом

[Голиафкӧд тышкасьӧм бӧрын Давидлӧн псалом.

¹ Ме вӧлі медічӧт аслам вокъяс пӧвстысь, медтом – аслам батьлӧн керкаын. Ме видзи батьлысь ыжъяссӧ.

² Аслам киӧн ме вӧчи ворсантор, менам чуньясӧй ворсісны арфаӧн.

³ Коді висьталіс та йылысь менам Господьлы? Господь Ачыс, Ачыс кыліс менӧ.

⁴ Сійӧ мӧдӧдіс ме дінӧ юӧртысьӧс, босьтіс менӧ батьӧйлӧн ыжъяс дінысь, мавтыштіс менӧ Аслас выйӧн.

⁵ Менам вокъясӧй вынаӧсь да статяӧсь, но Господь эз бӧрйы найӧс.

⁶ Ме петі тышӧ ентӧдтӧмлы паныд, и сійӧ ёрис менӧ аслас идолъясӧн.

⁷ Но ме перйи сылысь шыпуртсӧ да керышті сылысь юрсӧ. Тадзи ме мезді Израиль войтырӧс яналӧмысь.]