Псалтыр 150 - Коми Библия 2023

150 Псалом

¹ Аллилуйя! Ошкӧй Енмӧс Сылӧн вежаинын, ошкӧй Сійӧс енэжъясын!

² Ошкӧй Сійӧс вына уджъяссьыс, ошкӧй Сійӧс, ӧд Сійӧ вывті ыджыд!

³ Ошкӧй Сійӧс буксан шы улӧ, ошкӧй Сійӧс арфаӧн да гуслиӧн ворсӧмӧн!

⁴ Ошкӧй Сійӧс тимпан шы улӧ йӧктӧмӧн, ошкӧй Сійӧс струнаа ворсанторйӧн да пӧлянӧн!

⁵ Ошкӧй Сійӧс мичаа тіньгысь кимвалӧн, ошкӧй Сійӧс гораа юргысь кимвалӧн!

⁶ Став ловъя олысьыс мед ошкас Господьӧс! Аллилуйя! Ошкӧм.