Псалтыр 15 - Коми Библия 2023

15 Псалом

1 Давидлӧн кывбур.

¹ Давидлӧн кывбур. Енмӧй, видз менӧ, ӧд Тэ вылӧ ме лача кута.

² Ме шуи Господьлы: «Тэ – менам Ыджыдӧй, Тэ медбурыс, мый менам эм».

³ Му вылын олысь вежа войтырыд шензьӧдана, ме нимкодяся наӧн.

⁴ Мед содасны шогъясыс налӧн, кодъяс юрбитӧны мукӧд енъяслы. Ме ог вай налы кисьтан вись пыдди вир, ог казьтыв налысь нимъяссӧ.

⁵ Господьӧй, Тэ менам пайыс да олӧмыс, менам пудйыс Тэнад киын.

⁶ Меным вичмис бур му, сійӧ гажӧдӧ менсьым синмӧс.

⁷ Ошка Господьӧс, Сійӧ туйдӧдӧ менӧ. Весиг войнас ме сьӧлӧмын кыла Сылысь велӧдӧмсӧ.

⁸ Господь век ме водзын, Сійӧ менам веськыдладорын, медым ме эг усь.

⁹ Та вӧсна менам сьӧлӧмӧй нимкодясьӧ, менам лолӧй гажӧдчӧ, вир-яйӧй повтӧг шойччӧ.

¹⁰ Ӧд Тэ он коль менсьым лолӧс кулӧмаяс дінӧ, Тэ он сет Аслад эскана кесйӧглы аддзывны сісьмӧмсӧ.

¹¹ Тэ петкӧдлан меным олӧмыслысь туйсӧ. Тэнад чужӧмбан водзын ме кута ёна нимкодясьны, Тэнад веськыдладорын ме лоа шуда нэмъяс чӧж.