Псалтыр 145 - Коми Библия 2023

145 Псалом

[Аггейлӧн да Закарлӧн сьыланкыв.]

¹ Аллилуйя! Ошкы Господьӧс, менам лолӧй!

² Кута ошкыны Господьӧс, кытчӧдз ловъя, кута сьывны аслам Енлы, кытчӧдз ола.

³ Энӧ кутӧй лачанытӧ юралысь вылӧ, морт вылӧ, коді оз вермы мездыны.

⁴ Лолыс петас сы пытшкысь, а вир-яйыс бӧр лоӧ муӧн, сійӧ лунӧ бырасны сылӧн мӧвпъясыс.

⁵ Шуда сійӧ, коді виччысьӧ отсӧгсӧ Яковлӧн Енсянь, коді лачасӧ кутӧ аслас Господь Ен вылӧ.

⁶ Господь вӧчис енэжсӧ да мусӧ, саридзсӧ да ставсӧ, мый сэні эм. Сылы пыр позьӧ эскыны.

⁷ Сійӧ дорйӧ увтыртӧмаӧс, тшыгъялысьлы сетӧ нянь. Господь мездӧ дорӧмаӧс,

⁸ восьтӧ синтӧмлысь синсӧ, лэптӧ уськӧдӧмаӧс. Господь радейтӧ веськыда олысьӧс,

⁹ видзӧ йӧз муысь локтысьӧс, кутыштӧ батьтӧм-мамтӧмӧс да дӧваӧс, а лёк вӧчысьяслысь туйсӧ Сійӧ вӧчӧ чукляӧн.

¹⁰ Господь ӧксыалӧ нэмъяс чӧж. Сион, тэнад Енмыд юралӧ чужысьяссянь чужысьясӧдз. Аллилуйя!