Псалтыр 129 - Коми Библия 2023

129 Псалом

1 Крамӧ мунігӧн сьылӧм.

¹ Крамӧ мунігӧн сьылӧм. Господьӧй, пыдӧстӧм гусянь ме шыася Тэ дінӧ.

² Господьӧй, кыв менсьым гӧлӧс шыӧс, восьт Ассьыд пельтӧ, кывзы менсьым кевмӧмӧс.

³ Господьӧй, Тэ кӧ он вунӧд миянлысь мыжъяснымӧс, коді сэки вермас сулавны Тэ водзын, Ыджыдӧй?

⁴ Но Тэ – прӧститысь Ен, йӧзыс мед поласны Тэысь.

⁵ Ме лача кута Господь вылӧ, став сьӧлӧмсянь лача кута Сы вылӧ да Сылӧн кывйыс вылӧ.

⁶ Кар видзысь ёна виччысьӧ асывсӧ, но ме ёнджыка на виччыся Господьӧс.

⁷ Израиль, лача кут Господь вылӧ! Господьлӧн киын буралӧмыс, Сысянь воӧ мездмӧмыс.

⁸ Сійӧ мездас Израиль войтырӧс став мыжсьыс.