Псалтыр 127 - Коми Библия 2023

127 Псалом

1 Крамӧ мунігӧн сьылӧм.

¹ Крамӧ мунігӧн сьылӧм. Шуда сійӧ, коді полӧ Господьысь, ветлӧ Сылӧн туйясӧд.

² Тэ кутан пӧткӧдчыны аслад кипом уджъясысь, тэ шуда лоан, тэнад ставыс лоӧ бур.

³ Тэнад керкаын гӧтырыд лоӧ вотӧс вайысь виноград пу кодь. Пызан сайын тэнад пияныд лоӧны олив пулӧн вожъяс кодьӧсь.

⁴ Тадзи лоӧ бурсиӧма мортӧс, коді полӧ Господьысь.

⁵ Господь мед бурсиас тэнӧ Сионсянь, став олӧм чӧжыд мед аддзан Ерусалимын бур олӧмсӧ,

⁶ аддзан аслад пияныдлысь пиянсӧ. Лӧнь олӧм Израильлы!