Псалтыр 125 - Коми Библия 2023

125 Псалом

1 Крамӧ мунігӧн сьылӧм.

¹ Крамӧ мунігӧн сьылӧм. Кор Господь бӧр вайӧдіс миянӧс пленысь Сионӧ, ми вӧлім мича вӧт аддзысь кодьӧсь.

² Сэки ми нимкодясим да гажӧдчим. Войтыръяс шуисны, Господь пӧ петкӧдліс Израиль войтырлы ыджыд уджъяс.

³ Господь вӧчис миян пӧвстын ыджыд уджъяс, и ми нимкодясим.

⁴ Господьӧй, бергӧд миян войтырлысь коляссӧ пленысь, кыдзи визув ва Тэ веськӧдан Негев кос му вылӧ.

⁵ Синва сорӧн кӧдзысьяс пондасны вундыны нимкодьпырысь.

⁶ Кӧйдыс нуигӧн бӧрдӧмӧн мунысьяс нимкодясьӧмӧн бергӧдчасны кольтаяс вайигӧн.