Псалтыр 124 - Коми Библия 2023

124 Псалом

1 Крамӧ мунігӧн сьылӧм.

¹ Крамӧ мунігӧн сьылӧм. Господь вылӧ лача кутысь Сион керӧс кодь, сійӧ некор оз вӧрзьыв, сулалас нэмъяс чӧж.

² Кыдзи керӧсъяс кытшалӧны Ерусалим, сідзи Господь видзӧ-кытшалӧ Ассьыс войтырсӧ ӧні и нэмъяс чӧж.

³ Лёк вӧчысь оз кут ыджыдавны веськыда олысьяслӧн му вылын, медым веськыда олысьяс эз нюжӧдны кинысӧ лёксӧ вӧчны.

⁴ Господьӧй, бур да веськыд сьӧлӧмаяслы вӧч бурсӧ,

⁵ а лёк туй вылӧ кежысьясӧс да лёк вӧчысьясӧс вӧтлы. Лӧнь олӧм Израильлы!