Псалтыр 123 - Коми Библия 2023

123 Псалом

1 Крамӧ мунігӧн сьылӧм. Давидлӧн сьыланкыв.

¹ Крамӧ мунігӧн сьылӧм. Давидлӧн сьыланкыв. Эз кӧ Господь вӧв миян дор, – мед шуас тадзи Израиль –

² эз кӧ Господь вӧв миян дор, кор йӧзыс кыпӧдчисны миянлы паныд,

³ сэки эськӧ скӧраліганыс найӧ ловйӧн ньылыштісны миянӧс,

⁴ ыджыд ваыс эськӧ пӧдтіс миянӧс, визув ваыс кылӧдіс миянӧс,

⁵ бузгысь ваыс вевттис миянӧс.

⁶ Ошкӧм Господьлы! Сійӧ эз сет миянӧс налы косявлыны.

⁷ Дзугйӧ шедӧм лэбач моз ми мездмим. Дзугсӧ орӧдӧма, и ми пышйим.

⁸ Отсӧгыс воӧ миянлы Господьсянь, енэжсӧ да мусӧ Вӧчысьсянь. Ошкӧм.