Псалтыр 121 - Коми Библия 2023

121 Псалом

1 Крамӧ мунігӧн сьылӧм. Давидлӧн сьыланкыв.

¹ Крамӧ мунігӧн сьылӧм. Давидлӧн сьыланкыв. Ме нимкодяси, кор меным шуисны, мунам пӧ Господьлӧн керкаӧ.

² Ерусалим, Тэнад дзиръяяс дорын ми сулалам.

³ Ерусалим, тэнӧ лэптӧма, медым татчӧ чукӧртчисны йӧзыс.

⁴ Ерусалимӧ локтӧны израильса чужанкотыръяс, Господьлӧн котыръяс, медым сэні Индӧд серти ошкыны Господьлысь нимсӧ.

⁵ Ерусалимын сулалӧны Давид котырлӧн юралан пуклӧсъяс, веськыда мыждан пуклӧсъяс.

⁶ Кевмӧй лӧнь олӧм Ерусалимлы! Тэнӧ радейтысьяслӧн олӧмыс мед лоӧ бур.

⁷ Тэнад карса стенъяс вылын мед лоӧ лӧнь олӧм, тэнад изкарын – бур олӧм.

⁸ Аслам вокъяс да матыссаяс вӧсна ме шуа: «Лӧнь олӧм тэныд!»

⁹ Миян Господь Енлӧн керкаыс вӧсна ме сиа тэныд быд бурсӧ.