Псалтыр 120 - Коми Библия 2023

120 Псалом

1 Крамӧ мунігӧн сьылӧм.

¹ Крамӧ мунігӧн сьылӧм. Синмӧс лэпта керӧсъяслань. Кысянь воас меным отсӧгыс?

² Отсӧгыс воас меным Господьсянь, енэжсӧ да мусӧ Вӧчысьсянь.

³ Сійӧ оз сет лигышмунны тэнад кокыдлы, тэнӧ Видзысь оз вуграв.

⁴ Сійӧ оз вуграв да оз узь, Сійӧ видзӧ Израильӧс.

⁵ Господь – тэнӧ Видзысьыс, Господь – тэнад веськыдладорын сайӧдыс.

⁶ Луннас шондіыс оз сот тэнӧ, войнас тӧлысьыс оз вӧч тэныд лёксӧ.

⁷ Господь видзӧ тэнӧ быд лёкысь, Сійӧ видзӧ тэнсьыд олӧмтӧ.

⁸ Господь видзас тэнсьыд мунӧм-локтӧмтӧ ӧні и нэмъяс чӧж.