Псалтыр 119 - Коми Библия 2023

119 Псалом

Крамӧ мунігӧн сьылӧм.

¹ Аслам шог дырйи ме шыася Господь дінӧ, и Сійӧ вочавидзас меным.

² Господьӧй, мезды менӧ пӧръясьысь йӧзысь, ылӧг вомаясысь.

³ Ылӧг вома мортӧй, мыйӧн лоӧ мынтысьӧма тэныд?

⁴ Ёсь йыла ньӧвъясӧн да биа ӧгыръясӧн.

⁵ Курыд шог меным, ӧд ме ола Мешек муын, кедарса чомъясын!

⁶ Ме дыр нин ола на пӧвстын, кодъяс мустӧмтӧны лӧньлунсӧ.

⁷ Ме кӧсъя лӧньлун, но сӧмын шыася на дінӧ, найӧ дасьӧсь нин тышкасьны.