Псалтыр 115 - Коми Библия 2023

115 Псалом

[Аллилуйя!]

¹ Ме эска, та вӧсна висьтала. Кор ме вӧлі шогӧ усьӧма,

² кор меным вӧлі вывті сьӧкыд, ме шуи: «Став йӧзыс – пӧръясьысьяс».

³ Мыйӧн ме мынтыся Господьлы став бурсьыс, мый Сійӧ вӧчис меным?

⁴ Ме вая вина вись, аттьӧала Господьӧс мездмӧмысь.

⁵ Мый кӧсйыси Господьлы, сійӧс вӧча став Сылӧн войтырыс водзын.

⁶ Господьлы дона Сылы эскана войтырлӧн кулӧмыс.

⁷ Господьӧй, ме – Тэнад кесйӧгыд, ме – Тэнад кесйӧг аньлӧн пиыс, Тэнад кесйӧгыд. Тэ разин менсьым чепъясӧс.

⁸ Господьӧй, ме вая Тэныд аттьӧалана вись, ошка Тэнсьыд нимтӧ.

⁹ Мый кыв сетӧмӧн кӧсйыси Господьлы, сійӧс вӧча став Сылӧн войтырыс водзын

¹⁰ Господьлӧн крам йӧрын, Ерусалим кар шӧрын. Аллилуйя!