Псалтыр 112 - Коми Библия 2023

112 Псалом

¹ Аллилуйя! Господьлӧн кесйӧгъяс, ошкӧй Господьлысь нимсӧ!

² Господьлысь нимсӧ мед лоӧ ошкӧма ӧні и нэмъяс чӧж!

³ Асыввывсянь рытыввылӧдз мед лоӧ ошкӧма Господьлысь нимсӧ!

⁴ Господь – став войтыръяс вылын Ыджыдыс, Сылӧн дзирдлуныс кыптӧ енэжъясысь вылӧджык на.

⁵ Кодӧс позяс ӧткодявны Господькӧд, миян Енкӧд? Сійӧ пукалӧ выліинын,

⁶ аддзӧ ставсӧ, мый эм енэжас да му вылас.

⁷ Коньӧрӧс сійӧ лэптӧ бус пытшкысь, гӧльӧс перйӧ няйтысь,

⁸ медым пуксьӧдны сійӧс ӧксыяскӧд ӧтвыв, Аслас войтырлӧн ӧксыяскӧд ӧтвыв.

⁹ Кага вайтӧм аньлы Сійӧ сетӧ оланін да челядь, и сійӧ лоас шуда мамӧн. Аллилуйя!