Псалтыр 100 - Коми Библия 2023

100 Псалом

1 Давидлӧн псалом.

¹ Давидлӧн псалом. Господьӧй, ме кута сьывны Тэныд ошкӧм, кута сьывны буралӧмыд да веськыдлуныд йылысь.

² Ме кӧсъя сӧстӧма овны, кута овны сӧстӧм сьӧлӧмӧн аслам керкаын. Кор нин Тэ локтан ме дінӧ?

³ Став шогмытӧмсӧ ме ылыста аслам син водзысь, лёк вӧчӧмсӧ ме мустӧмта, сійӧ оз ляксьы ме дінӧ.

⁴ Ме вӧтла ас пытшкысь наян мӧвпъяс, лёкыскӧд ме ог ӧтувтчы.

⁵ Аслас матысса вылӧ гусьӧн удтысьысьӧс ме вӧтла ас дінысь, вылӧ кыпӧдчысьӧс да ышнясьысьӧс ме ог сибӧд.

⁶ Ме бӧръя аслым эскана йӧзӧс, мед найӧ вӧліны мекӧд. Коді олӧ сӧстӧма, сійӧ кутас кесъявны меным.

⁷ Ылӧдчысьяс оз кутны овны менам керкаын, пӧръясьысьяс оз лоны мекӧд орччӧн.

⁸ Водз асывсянь ме бырӧда лёк вӧчысьясӧс ас му вылысь, вӧтла Господьлӧн карысь мыж вӧчысьясӧс. Ошкӧм.