Псалтыр 10 - Коми Библия 2023

10 Псалом

1 Сьылысьясӧн веськӧдлысьлы. Давидлӧн псалом.

¹ Сьылысьясӧн веськӧдлысьлы. Давидлӧн псалом. Господь вылӧ ме лача кута. А ті шуанныд меным: «Лэбзьы керӧс вылӧ лэбач моз!»

² Лёк вӧчысьяс зэвтӧмаӧсь ньӧввужсӧ, дасьтӧмаӧсь ньӧвъяссӧ, медым пемыд кадӧ лыйлыны веськыд сьӧлӧмаясӧс.

³ Кор жугӧдӧма подувсӧ, мый вермас вӧчны веськыда олысь?

⁴ Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

⁵ Господь тӧдмалӧ веськыда олысьӧс, а лёк вӧчысьӧс да виалӧм-дзескӧдӧмсӧ радейтысьӧс Сійӧ мустӧмтӧ.

⁶ Лёк вӧчысьяс вылӧ Сійӧ зэрӧн кисьтас биа ӧгыръяс да сотчысь тэг, мӧдӧдас на вылӧ сотысь тӧвныр – тайӧ лоӧ налӧн курыд пайыс.

⁷ Ӧд Господь веськыда вӧчӧ, Сійӧ радейтӧ веськыдлунсӧ, веськыда олысьяс аддзасны Сылысь чужӧмбансӧ. Ошкӧм.