Олӧм 10 - Коми Библия 2023

Ной рӧдысь петӧм войтыръяс

¹ Ойдлӧм бӧрын Симлӧн, Хамлӧн да Яфетлӧн, Ной пиянлӧн, чужисны ныв-пи.

² Яфетлӧн вӧліны Гомер, Магог, Мадай, Яван, [Элис,] Тувал, Мешек да Фирас пиян.

³ Гомерлӧн вӧліны Аскеназ, Рифат да Тогарма пиян.

⁴ Яванлӧн вӧліны Элиш да Фарсис пиян, сысянь петісны тшӧтш киттимсаяс да доданейяс.

⁵ Насянь рӧдмисны дівывса да саридздорса войтыръяс. Быд войтыр овмӧдчис аслас муӧ чужанвуж да кыв сертиныс.

⁶ Хамлӧн вӧліны Куш, Мицраим, Фут да Ханаан пиян.

⁷ Кушлӧн вӧліны Севей, Хавил, Савтай, Рамай да Савтек пиян. Рамайлӧн вӧліны Шевей да Дедан пиян.

⁸ Кушлӧн чужис Нимрод. Му вылын сійӧ вӧлі медводдза вына юралысь.

⁹ Господь [Ен] водзын сійӧ вӧлі ён кыйсьысь. Та вӧсна и шулӧны, Господь водзын пӧ ён кыйсьысь, Нимрод кодь жӧ.

¹⁰ Медводдза каръясӧн сылӧн юралӧм улын вӧліны Вавилон, Эрек, Аккад да Калне. Тайӧ каръясыс вӧліны Сеннар муын.

¹¹ Сэтысь Нимрод вуджис Ассурӧ, лэптіс Ниневия, Реховот-Ир да Калах каръяс.

¹² Ниневия да ыджыд Калах кар костӧ лэптіс Ресен кар.

¹³ Мицраим рӧдысь петісны лудъяс, анамъяс, лехавъяс, нафтухъяс,

¹⁴ патрусъяс, каслухъяс да кафторъяс. Каслухъяссянь петісны филистимсаяс.

¹⁵ Ханаанлӧн чужис Сидон, медводдза пиыс, сэсся чужис Хет.

¹⁶ Ханаан рӧдысь петісны тшӧтш евуссаяс, аморейяс, гергесейяс,

¹⁷ хивейяс, аркейяс, синейяс,

¹⁸ арвадейяс, чемарейяс да хаматъяс. Бӧрынджык ханаанса чужанкотыръяс разалісны.

¹⁹ Ханаансаяслӧн муыс вӧлі паськӧдчӧма Сидонсянь Герарлань, Газаӧдз, сэсянь водзӧ – Содомлань, Гоморалань, Адмалань да Севоимлань, Лашаӧдз.

²⁰ Тайӧ ставныс – Хамсянь чужысьяс асланыс чужанкотыр, кыв, му да войтыр сертиныс.

²¹ Симлӧн, Яфетлӧн ыджыд вокыслӧн, тшӧтш вӧліны пиян. Сим лои Эверсянь чужысьяслӧн батьӧн.

²² Симлӧн вӧліны Элам, Ассур, Арфаксад, Луд, Арам [да Кенан] пиян.

²³ Арамлӧн вӧліны Уц, Хул, Гефер да Маш пиян.

²⁴ Арфаксадлӧн чужис [Кенан, Кенанлӧн чужис] Шелах, Шелахлӧн чужис Эвер.

²⁵ Эверлӧн чужис кык пи. Ӧтисӧ нимтісны Пелегӧн, ӧд сылӧн чужан кадӧ йӧзыс разалісны му пасьтала. Мӧдсӧ, сылысь воксӧ, шуисны Иоктанӧн.

²⁶ Иоктанлӧн чужисны Алмодад, Шалеф, Хацармавет, Ерах,

²⁷ Адорам, Узал, Диклай,

²⁸ Овал, Авимаэл, Шевей,

²⁹ Офир, Хавил да Иовав. Ставныс найӧ Иоктанлӧн пиян.

³⁰ Налӧн оланінъясыс вӧліны Мешасянь Сефарӧдз, асыввыв керӧсӧдз.

³¹ Тайӧ ставныс – Симсянь чужысьяс асланыс чужанкотыр, кыв, му да войтыр сертиныс.

³² Тайӧ ставныс – Ной пиянсянь чужысьяс асланыс чужанкотыр да войтыр сертиныс. Ойдлӧм бӧрын насянь паськалісны войтыръяс став му пасьтала.