Неемий 12 - Коми Библия 2023

Попъяс да левитъяс

¹ Шеалтиэллӧн Зоровавель пикӧд да Исускӧд пленысь локтісны попъяс да левитъяс. Попъясысь локтісны Серай, Еремей, Ездра,

² Амарей, Маллук, Хаттуш,

³ Шеканий, Рехум, Меремот,

⁴ Иддо, Гиннетой, Авий,

⁵ Миямин, Маади, Вилга,

⁶ Шемай, Йоярив, Едай,

⁷ Саллу, Амок, Хилки да Едай. Исус аркирей кадӧ найӧ веськӧдлісны попъясӧн, асланыс вокъясӧн.

⁸ Левитъясысь локтісны Исус, Биннуй, Кадмиэл, Шеревий, Иуда да Маттанай. Аслас вокъяскӧд Маттанай веськӧдліс сьылӧм-ошкӧмӧн.

⁹ Нӧшта локтісны Бакбук, Унний да налӧн вокъяс, кесъялӧм дырйи сьылысьяс.

¹⁰ Исуслӧн чужис Йояким, Йоякимлӧн – Эльяшив, Эльяшивлӧн – Йоад,

¹¹ Йоадлӧн – Ионафан, Ионафанлӧн – Яддуй.

¹² Йояким дырйи попъясысь рӧдкутысьясӧн вӧліны: Серай рӧдын Мерай, Еремей рӧдын Хананей,

¹³ Ездра рӧдын Мешуллам, Амарей рӧдын Иоханан,

¹⁴ Маллук рӧдын Ионафан, Шеваний рӧдын Ӧсип,

¹⁵ Харим рӧдын Аднай, Мерайот рӧдын Хелкай,

¹⁶ Иддо рӧдын Закар, Гиннетон рӧдын Мешуллам,

¹⁷ Авий рӧдын Зикри, Минямин рӧдын ..., Моад рӧдын Пилтай,

¹⁸ Вилга рӧдын Шаммуй, Шемай рӧдын Ионафан,

¹⁹ Йоярив рӧдын Маттенай, Едай рӧдын Уззей,

²⁰ Саллу рӧдын Каллай, Амок рӧдын Эвер,

²¹ Хилки рӧдын Хашавий, Едай рӧдын Нафанаил.

²² Левитъяслысь рӧдкутысьяссӧ вӧлі пасйӧма небӧгас Эльяшив, Йоад, Иоханан да Яддуй кадӧ, а попъясӧс – персияса Дарий ӧксыалӧм дырйи.

²³ Левитъяслысь рӧдкутысьяссӧ пасъявлӧмаӧсь небӧгас Эльяшив Иохананлӧн кадӧдз.

²⁴ Левитъясӧн веськӧдлысьяснас вӧліны Хашавий, Шеревий, Кадмиэллӧн Исус пиыс да налӧн вокъяс, кодъяс вежласьӧмӧн сьылісны ошкана да аттьӧалана сьыланъяс Енлӧн морт Давидлӧн лӧсьӧдӧм серти.

²⁵ Маттанай, Бакбук, Авдий, Мешуллам, Талмон да Аккув, крам дзиръя видзысьяс, кывкутісны дзиръядор видзанінъяс вӧсна.

²⁶ Тадзи вӧлі Неемий юралысьлӧн, Индӧдӧ велӧдысь Ездра поплӧн да Йоякимлӧн кадӧ. Йояким вӧлі Иоседек Исуслӧн пиыс.

Ерусалимса стенъяс вежӧдӧм

²⁷ Ерусалимса стенъяс вежӧдігкежлӧ быдлаысь корисны левитъясӧс Ерусалимӧ, медым аттьӧалӧмӧн да сьылӧмӧн, кимвалӧн, арфаӧн да гуслиӧн ворсӧмӧн нимкодя пасйыны вежӧдӧм.

²⁸ Сьылысьяс локтісны Ерусалим гӧгӧрысь, Нетофа гӧгӧр сиктъясысь,

²⁹ Бет-Гилгалысь, Гева да Азмавет гӧгӧр ыбъяс вылысь, ӧд сьылысьяс лэптісны сиктъяснысӧ Ерусалим гӧгӧр.

³⁰ Попъяс да левитъяс асьныс сӧстӧммӧдчисны, сэсся сӧстӧммӧдісны войтырсӧ, карса дзиръяяс да стенъяс.

³¹ Та бӧрын ме нуӧді иудаса юралысьясӧс стен вылӧ. Сэні ме сувтӧді кык ыджыд котыр сьывны ошкана сьыланъяс. Ӧти котырыс муніс стен кузя веськыдвылӧ Ёг дзиръялань.

³² На бӧрся мунісны Хошай да иудаса юралысьяслӧн ӧти джынйыс,

³³ нӧшта Азарий, Ездра, Мешуллам,

³⁴ Иуда, Венямин, Шемай да Еремей попъяс.

³⁵ На бӧрся трубаясӧн мунісны том попъяс. На пӧвстын муніс Ионафанлӧн Закар пиыс. Ионафан вӧлі Шемайлӧн пи, Шемай – Маттанайлӧн, Маттанай – Микайлӧн, Микай – Заккурлӧн, Заккур – Асафлӧн.

³⁶ Нӧшта мунісны Закарлӧн Шемай, Азарэл, Милалай, Гилалай, Маай, Нафанаил, Иуда да Ханани вокъясыс. Найӧ ворсісны Енлӧн морт Давидлӧн кодь шылада ворсанторъясӧн. На водзвылын муніс Индӧдӧ велӧдысь Ездра.

³⁷ Дзульк дзиръя дорті Давид карлӧн поскӧд найӧ кайисны карса стен вылӧ, сэсся мунісны Давид керка весьтӧд асыввылӧ Ва дзиръя дорӧдз.

³⁸ Мӧд сьылысь котырыс муніс шуйгавылӧ. Ме да джын войтырыс восьлалім на бӧрся стен вывті Пач башняӧдз. Сэсянь ми мунім Паськыд стенӧдз.

³⁹ Ефрем дзиръясянь, Важ дзиръя да Чери дзиръя дорті, Хананел башня да Сё тышкамортлы башня бокиті ми мунім Ыж дзиръялань да сувтім Видзан дзиръя дорӧ.

⁴⁰ Сэсся кыкнан сьылысь котырыс сувталісны Енлӧн крамӧ, сувтім тшӧтш ме да юралысьяслӧн джынйыс,

⁴¹ нӧшта сувтісны Эляким, Маасей, Минямин, Микай, Элионай, Закар да Хананей попъяс трубаясӧн,

⁴² а сідзжӧ Маасей, Шемай, Элазар, Уззей, Иоханан, Малкий, Элам да Эзер. Сьылысьяс гораа сьылісны, наӧн веськӧдліс Израхий.

⁴³ Сійӧ лунӧ йӧзыс вайисны уна вись да ёна гажӧдчисны, ӧд Енмыс тыртіс найӧс ыджыд нимкодьлунӧн. Аньяс и челядь тшӧтш ёна нимкодясисны. Ерусалимын гажӧдчӧмыс кыліс ылӧдз.

Крамын уджалысьяслы вайӧмторъяс

⁴⁴ Сійӧ жӧ лунӧ вӧлі индӧма йӧзӧс кывкутны крам видзанінъяс вӧсна, сэтчӧ пуктӧм дасӧд юкӧнъяс вӧсна, медводдза воӧм нянь да вотӧс вӧсна. Найӧ чукӧртісны видзанінъясӧ карса видз-муяс вылысь сійӧ пайсӧ, мый колӧ вӧлі Индӧд серти сетны попъяслы да левитъяслы. Иуда войтыр нимкодясис попъяс да левитъяс вӧсна,

⁴⁵ кодъяс тӧждысисны сӧстӧммӧдчӧм да асланыс Енлы кесъялӧм вӧсна. Тшӧтш нимкодясисны сьылысьяс да дзиръя видзысьяс вӧсна, кодъяс кесъялісны Давидлӧн да Соломон пиыслӧн тшӧктӧм серти.

⁴⁶ Важысянь нин, Давид да Асаф дырйи на, сьылысьяслы вӧлі пуктӧма веськӧдлысьясӧс да лӧсьӧдӧма Енмӧс ошкана-аттьӧалана сьыланъяс.

⁴⁷ Зоровавель да Неемий кадъясӧ став Израиль войтыр вичмӧдліс сьылысьяслы да дзиръя видзысьяслы пай налӧн быдлунся олӧм вылӧ. Таысь ӧтдор найӧ торйӧдлісны вежа пай левитъяслы, а левитъяс чуктӧдлісны сэтысь вежа пай Аарон рӧдлы.