Неемий 10 - Коми Библия 2023

¹ Гижӧдас пассӧ пуктісны Неемий юралысь, Хакалийлӧн пиыс, да Седекей,

² тшӧтш Серай, Азарий, Еремей,

³ Пашхур, Амарей, Малкий,

⁴ Хаттуш, Шеваний, Маллук,

⁵ Харим, Меремот, Авдий,

⁶ Даниил, Гиннетон, Барук,

⁷ Мешуллам, Авий, Миямин,

⁸ Маазай, Вилгай да Шемай попъяс.

⁹ Левитъясысь пассӧ пуктісны Азанийлӧн Исус пиыс, Хенадад рӧдысь Биннуй, нӧшта Кадмиэл

¹⁰ да налӧн вокъясыс: Шеваний, Ходий, Келит, Фелай, Ханан,

¹¹ Мика, Рехов, Хашавий,

¹² Заккур, Шеревий, Шеваний,

¹³ Ходий, Бани да Бенину.

¹⁴ Войтырлӧн веськӧдлысьясысь пассӧ пуктісны Парош, Пахат-Моав, Элам, Затту, Бани,

¹⁵ Бунни, Азгад, Бебай,

¹⁶ Адоний, Бигвай, Адин,

¹⁷ Атер, Езекей, Азур,

¹⁸ Ходий, Хашум, Бецай,

¹⁹ Хариф, Анатот, Невай,

²⁰ Магпиаш, Мешуллам, Хезир,

²¹ Мешезавел, Садок, Яддуй,

²² Пелатий, Ханан, Анай,

²³ Осий, Хананей, Хашшув,

²⁴ Халлохеш, Пилхай, Шовек,

²⁵ Рехум, Хашавнай, Маасей,

²⁶ Ахий, Ханан, Анан,

²⁷ Маллук, Харим да Баан.

²⁸ Мукӧдыс – попъяс, левитъяс, дзиръя видзысьяс, сьылысьяс, крамбердса кесйӧгъяс да найӧ, кодъяс тшӧтш торйӧдчисны мукӧд войтырысь, мед овны Енлӧн Индӧд серти, асланыс гӧтыръяскӧд да челядькӧд, кодъяс сяммисны гӧгӧрвоны –

²⁹ ӧтувтчисны асланыс веськӧдлысьяскӧд да кыв сетӧмӧн кӧсйысисны кутчысьны Енлӧн Индӧдӧ, мый Мӧисей, Енлӧн кесйӧг, сетіс налы. Кӧсйысисны овны Господь Ыджыдлӧн став индӧд-тшӧктӧмыс серти.

³⁰ Шуисны: «Ассьыным нывъяснымӧс огӧ сетӧй верӧс сайӧ мукӧд войтыръяслы и налысь нывъяснысӧ огӧ босьтӧй асланым пиянлы гӧтырӧ.

³¹ Мукӧд войтырысь кӧ кодкӧ ваяс нянь либӧ мукӧд вузалантор шойччан лунӧ, ми налысь огӧ ньӧбӧй ни шойччан лунӧ, ни вежа лунъясӧ. Быд сизимӧд воӧ ми кутам шойччӧдны мунымӧс да вунӧдам быдпӧлӧс уджйӧз.

³² Ми кӧсйысям быд во сикельысь коймӧд пайсӧ сетны Енлӧн крамын кесъялӧм вылӧ:

³³ вежа нянь вылӧ, быдлунся нянь да сотан вись вылӧ, тшӧтш шойччан лунӧ, выль тӧлысь чужигӧн да гажӧдчан лунъясӧ вайӧмторъяс вылӧ, вежа козинъяс вылӧ, мыжысь вись вылӧ, мый вайӧны Израиль войтырлысь мыжсӧ вештӧм могысь, да крампытшса став уджыс вылӧ.

³⁴ Ми – попъяс, левитъяс да войтыр – пудъясим Енлӧн крамӧ пес вайӧм кузя. Быд рӧдлы быд во урчитӧм кадӧ колӧ вайны пес, медым Индӧдын гижӧм серти миян Господь Енлӧн висьпуктанін вылын ӧзъяліс би.

³⁵ Быд во ми пондам вайны Господьлӧн крамӧ медводдза воӧм нянь да пуяслысь вотӧс.

³⁶ Миян Енлӧн крамӧ, сэні кесъялысь попъяс водзӧ Индӧдын гижӧм серти ми пондам вайны медводдза чужысь пияннымӧс, вись пыдди пондам вайны ыж-мӧснымлысь медводдза чужысьясӧс.

³⁷ Миян Енлӧн крам видзанінъясӧ попъяслы ми пондам вайны выль быдтасысь медводдза пӧжалӧм сӧчӧн да мукӧд вайӧмторъяс, быдпӧлӧс пулысь вотӧс, вина да олив вый. Мувыв быдтасысь дасӧд юкӧныс лоӧ левитъяслы. Найӧ мед чукӧртасны сійӧс быд карын, кӧні вӧдитӧны муяс.

³⁸ Аарон рӧдысь поп мед лоӧ левитъяскӧд, кор найӧ пондасны чукӧртны дасӧд юкӧнсӧ войтырлысь. Тайӧ дасӧд юкӧнысь дасӧд пайсӧ левитъяслы колӧ нуны миян Енлӧн крам видзанінӧ.

³⁹ Израиль войтыр моз левитъяслы колӧ вайны нянь, вина да олив вый – став ассьыныс вайӧмторнысӧ – жыръясӧ, кӧні видзӧны вежаинса дозмук-кӧлуй, и кӧні кесъялӧм дырйи олӧны попъяс, дзиръя видзысьяс да сьылысьяс. Ми огӧ эновтӧй миян Енлысь керкасӧ».